पुणे -लोकसभा काँग्रेस पक्षाचा बालेकिल्ला असून पुण्याची जागा काँग्रेसच लढविणार आणि काँग्रेस पक्षाने मला लोकसभेकरिता संधी दिल्यास पुणे लोकसभेची जागा पुन्हा काँग्रेसकडे आणणारच असे माजी राज्यमंत्री बाळासाहेब शिवरकर यांनी सांगितले , काँग्रेस पक्षाच्यावतीने पुणे लष्कर भागात जे जे गार्डन मध्ये पंडित जवाहरलाल नेहरू यांच्या जयंतीनिमित्त आयोजित अभिवादन सभेत ते बोलत होते .
या कार्यक्रमाच्या सुरुवातीला पंडित जवाहरलाल नेहरू यांच्या प्रतिमेस बाळासाहेब शिवरकर व संगीता पवार यांच्याहस्ते पुष्पहार अर्पण करून विनम्र अभिवादन करण्यात आले . या कार्यक्रमाच्या अध्यक्षस्थानी पुणे कॅन्टोमेंटच्या माजी नगरसेविका व कॅन्टोमेंट बोर्डाच्या माजी उपाध्यक्षा संगिता अशोक पवार होत्या . यावेळी सुल्तान खान, विजय जाधव, प्रशांत तुपे,हसन कुरेशी,अल्ताफ शेख,आमीन शेख, अकबर शेख,गणेश फुलारे,नितीन आरु , माजी नगरसेविका पार्वती भडके , सुरेंद्र परदेशी , बलबीरसिंग कलसी , रे फर्नाडिस , परेश गायकवाड , राजू राऊत , जान मोहम्मद शेख व मोठ्या संख्येने काँग्रेस पदाधिकारी व कार्यकर्ते उपस्थित होते.यावेळी लहान मुलांना खाऊ वाटप करून बालदिन साजरा करण्यात आला.
यावेळी माजी राज्यमंत्री बाळासाहेब शिवरकर यांनी सांगितले कि , पंडित जवाहरलाल नेहरू अंत्यन्त उच्चभ्रू व श्रीमंत घरातले असताना देशाला स्वतंत्र्य मिळण्याकरिता त्यांनी सर्व सुख सुविधांचा त्याग केला . ते आपल्या देशाचे पहिले पंतप्रधान होते . देशाचा गाडा अत्यन्त सुलभ व चांगला चालावा म्हणून व आपल्या देशातील प्रत्येक नागरिकाला पोटभर अन्न मिळावे म्हणून त्यांच्या कारकिर्दीत शेतीला ( कृषी )ला प्राधान्य देउन जास्तीत जास्त अन्नधान्य निर्मितीची क्रांती केली . म्हणून आपल्या देशाला कृषिप्रधान देश म्हणून ओळखले जाते . त्याच बरोबर आपल्या देशातील तरुणांच्या हाताला काम मिळाले पाहिजे म्हणून औद्योगिक क्रांतीची निर्मिती केली . त्यामुळे आज अनेक तरुणांना रोजगार मिळाले आहेत . त्यांना लहान मुले प्रिय होती . म्हणून आजचा दिवस हा बालदिन म्हणून साजरा केला जातो . अशा थोर काँग्रेसच्या नेत्याला माझा मनापासून मानाचा मुजरा . आणि अशा थोर पुरुषांच्या जयंती आम्ही वेगवेगळ्या भागात साजरी करू व काँग्रेस पक्ष भक्कम करण्याचा निर्धार व आवाहन याप्रसंगी बाळासाहेब शिवरकर यांनी केले .
या कार्य्रक्रमाचे प्रास्तविक पुणे महापालिका शिक्षण मंडळ माजी सदस्य विजय जाधव यांनी केले . तर सूत्रसंचालन अमीन शेख यांनी केले तर कार्यक्रमाचे संयोजक पुणे शहर जिल्हा काँग्रेस कमिटीचे चिटणीस हसन कुरेशी यांनी आभार मानले .
