पुणे-एम. जी. रोड हॉकर्स पथारी असोसिएशन सेवा संस्थेच्यावतीने फॅशन स्ट्रीट गाळेधारकांचा पुणे कॅन्टोन्मेंट बोर्डाच्या कार्यालयावर मूक मोर्चा काढण्यात आला . या मोर्चाचे नेर्तृत्व एम. जी. रोड हॉकर्स पथारी असोसिएशन सेवा संस्थेचे संस्थापक अध्यक्ष ऍड .म. वि. अकोलकर यांनी केले . या मोर्चामध्ये मोठ्या संख्येने गाळेधारक सहभागी झाले होते . यावेळी पुणे कॅन्टोन्मेंट बोर्डाचे अध्यक्ष राजीव सेठ व बोर्डाचे मुख्य कार्यकारी अधिकारी डॉ. डी. एन. यादव यांना निवेदन देण्यात आले .
या निवेदनामध्ये एम. जी. रोड हॉकर्स पथारी असोसिएशन सेवा संस्थेच्यावतीने मागण्या मांडण्यात आल्या . सन १९९७ पासून या ठिकाणी ४४८ गाळेधारक आपला व्यवसाय करीत आहे . पुणे कॅम्प भागातील ईस्ट स्ट्रीटवरील जागा पूर्वीच्या एम. जी. रोडवरील पथारीवाल्यासाठी व्यवसायासाठी जागा देण्यात आली होती . परंतु पुणे कॅन्टोन्मेंट बोर्ड आपल्या अटी व शर्थीचे पालन करत नाही . बोर्डामध्ये २२ / ११/ १९९७ च्या झालेल्या बैठकीत ४४७ हॉकर्स कांबळे मैदान व ९२ हॉकर्सला पूना कॉलेजसमोरील आबाजी मैदान येथे जागा देण्याचे मान्य केले . परंतु आबाजी मैदान येथे एकाही हॉकर्सला जागा देण्यात आलेली नाही . तसेच येथील विद्युत पुरवठा सुरळीत चालण्यासाठी भूमिगत विद्युत वाहिन्या टाकण्यासाठी परवानगी द्यावी . फॅशन स्ट्रीटमध्ये मागासवर्गीय व अल्पसंख्यांक बांधव व्यवसाय करून आपला चारितार्थ चालवीत आहे , त्यात तरुणांना नोकऱ्या मिळत नाही त्यामुळे बोर्डाने येथील गाळेधारकांची रोजीरोटी हिसकावून घेऊ नये . त्यांच्यावर अन्याय करू नये . असे एम. जी. रोड हॉकर्स पथारी असोसिएशन सेवा संस्थेचे संस्थापक अध्यक्ष ऍड .म. वि. अकोलकर यांनी सांगितले .
या मोर्चामध्ये एम. जी. रोड हॉकर्स पथारी असोसिएशन सेवा संस्थेचे उपाध्यक्ष युसूफ खान , चिटणीस झहीर खान , इरफान कुरेशी , नाझीम कुरेशी , वाजिद कुरेशी , तौफिक शेख , झुल्फिकार कुरेशी , इफ्तेकार बारी शेख , अशफाक काझी , प्रकाश रंगवानी , जयदीप चव्हाण व मोठ्या संख्येने गाळेधारक सहभागी झाले होते.
