पुणे, दि. १६ : विश्वशांती केंद्र (आळंदी), माईर्स, एमआयटी वर्ल्ड पीस युनिव्हर्सिटी, पुणे,भारतच्या वतीने दिला जाणाराया वर्षीचा २०१९ सालचा एक अत्यंत प्रतिष्ठेचा, ऐतिहासिक स्वरूपाचा आणि नोबेल शांतता पारितोषिकाच्या धर्तीवर दिला जाणारा ‘तत्त्वज्ञ संत श्री ज्ञानेश्वर माऊली जागतिक शांतता पुरस्कार-२०१९’ (Philosopher Saint Shree Dnyaneshwara World Peace Prize-२०१९) जगप्रसिध्द तत्वज्ञ, विद्वान, विचारवंत, संस्कृतचे गाढे अभ्यासक, थोर दूरदर्शी व संवेदनशील राजकारणी व माजी केंद्रीय मंत्री, पद्मविभूषण ‘डॉ. करण सिंग’ यांना जाहीर करण्यात आला आहे.
तत्त्वज्ञ संत श्री ज्ञानेश्वर माऊलीची सुवर्णजडित मूर्ती, माऊलींची प्रतिमा असलेले सुवर्णपदक, सन्मानपत्र, शाल व सव्वापाच लक्ष रूपये (रु.५,२५,०००/-) असे या पुरस्काराचे स्वरूप आहे.
हा पुरस्कार प्रदान समारंभ धर्म, विज्ञान आणि अध्यात्माच्या पाचव्या जागतिक परिषदेचे औचित्य साधून गुरुवार, दि. ३ ऑक्टोंबर २०१९ रोजी जगातील सर्वात मोठ्या घुमटातील ‘तत्वज्ञ संत श्री ज्ञानेश्वर महाराज विश्व शांती सभागृह’, विश्वराजबाग, लोणी काळभोर, पुणे, भारत येथे प्रदान करण्यात येणार आहे.
भारताय संस्कृती, परंपरा आणि तत्त्वज्ञानाचे गाढे अभ्यासक, संस्कृतचे विद्वान असलेले आणि जम्मू काश्मीरचे पूर्व महाराजा हरी सिंह आणि महाराणी तारा देवीचे वारस असलेले डॉ. करण सिंग यांनी केंद्रीय मंडळात असतांना अनेक महत्वपूर्ण पदांवर कार्य केले आहे. त्यांनी पंतप्रधान इंदिरा गांधींच्या काळात पर्यटन व नागरी उड्डाण मंत्री, आरोग्य व कुटुंब नियोजन मंत्री, शिक्षण व सांस्कृतिक मंत्री अशी पदे भूषविली आहेत. त्यांनी विज्ञान, संस्कृती आणि चेतना आंतरराष्ट्रीय केंद्र स्थापन केली आहे.
डॉ. करण सिंग यांनी इंग्रजी भाषेमध्ये राज्यशास्त्र, तत्वज्ञानविषयक निबंध, प्रवास आणि कविता यावर अनेक पुस्तके लिहिली आहेत. त्यांच्या वन मॅन्स वर्ल्ड आणि हिंदू धर्मावर लिहिलेल्या निबंधांचे महत्वपूर्ण संग्रह खूप कौतुकास्पद म्हणावे लागेल. त्यांनी मातृभाषा डोगरीमध्येकाही भक्तीगीतेही लिहीली. भारतीय संस्कृती व परंपरेची सखोल माहिती, पाश्चात्य साहित्य आणि सभ्यता यांचे तपशीलवार ज्ञान असल्यामुळे त्यांना भारतात व परदेशात प्रतिष्ठित विचारवंत आणि नेता म्हणून ओळखले जाते. विशेष उल्लेखनीय बाब म्हणजे डॉ. करण सिंग हे अनेक वर्ष जम्मू-काश्मीर विद्यापीठ आणि बनारस हिंदू विद्यापीठाचे कुलाधिपती म्हणून कार्यरत होते.
यापूर्वी हा प्रतिष्ठेचा तत्त्वज्ञ संत श्री ज्ञानेश्वर विश्व शांती पुरस्कार आर्ट ऑफ लिव्हींगचे प्रणेते श्री श्री रवीशंकरजी, आदरणीय माता श्री अमृतानंदमयी देवी, व जपानच्या गोई पीस फाऊंडेशनचे संस्थापक-अध्यक्ष श्री. हिरू सायोंजी – श्रीमती मासामी सायोंजी, साधू वासवानी मिशनचे आध्यात्मिक गुरू पूज्य दादा जे. पी. वासवानी, अक्षरधामचे प्रमुख स्वामीजी व मानव एकता मिशन’चे संस्थापक-अध्यक्ष, महायोगी गुरू श्री एम (श्री मुमताज अली खान), जगप्रसिद्ध शास्त्रज्ञ डॉ. फ्रिजॉफ काप्रा आणि अमेरिकेतील मॉर्मन पंथाचे अध्यक्ष, मार्गदर्शक, गुरु आणि द चर्च ऑफ जीझस ख्राइस्ट ऑफ लॅटर डे सेंट्स, ‘एल्डर डी टॉड ख्रिस्तोफरसन’ यांना प्रदान करण्यात आला आहे. .
या ऐतिहासिक जागतिक शांतता पुरस्कार निवड समितीचे अध्यक्ष जगप्रसिद्ध शास्त्रज्ञ पद्मविभूषण मा. डॉ. रघुनाथ माशेलकर असून, जगप्रसिद्ध संगणकतज्ञ पद्मभूषण डॉ. विजय भटकर आणि वेदांचे व ज्ञानेश्वरीचे गाढे अभ्यासक वेदब्रह्म ह.भ.प. श्री. किसन महाराज साखरे यांचा या समितीत समावेश आहे.
अशी माहिती जागतिक शांतता समितीचे कार्याध्यक्ष व एमआयटी वर्ल्ड पीस युनिव्हर्सिटीचे संस्थापक अध्यक्ष प्रा.डॉ. विश्वनाथ दा. कराड यांनी दिली
एमआयटी वर्ल्ड पीस “जागतिक शांतता पुरस्कार’-२०१९” पद्मविभूषण डॉ. करण सिंग यांना जाहीर
Date:
More like thisRelated
‘मी’पणाचा अहंकारच पर्यावरणासाठी घातक:आचार्य प्रशांत यांचे प्रतिपादन
पुणे : 'अहंकार आणि आंतरिक अज्ञान हेच हवामान बदलांसारख्या...
अटलजींमुळे विकसित भारताची संकल्पना – विनोद तावडे
पुणे पुस्तक महोत्सवात विनोद तावडे यांच्या हस्ते 'अटलजी एक...
व्यक्त-अभिव्यक्त होण्यातील फरक समजण्यासाठी माध्यमांच्या शाळांची गरज : प्रा. प्रवीण दवणे
रोटरी साहित्य संमेलनात रंगला प्रा. दवणे यांच्याशी संवाद
पुणे : व्यक्त होणे आणि अभिव्यक्त होणे, यातील फरक समजून घेण्यासाठी, आता माध्यमांच्या शाळांची गरज आहे, असे परखड मत प्रसिद्ध लेखक, कवी आणि रोटरी साहित्य संमेलनाचे अध्यक्ष प्रा. प्रवीण दवणे यांनी व्यक्त केले. समाजमाध्यमांसह सर्वच माध्यमे कशी हाताळावीत, त्यावर काय बघावे, कसे, किती बघावे, हे शिकवण्याची वेळ आली आहे, असेही ते म्हणाले.
रोटरी मराठी साहित्य संमेलनाच्या दुसऱ्या सत्रात प्रा. दवणे यांच्याशी महाराष्ट्र साहित्य परिषदेचे कोषाध्यक्ष विनोद कुलकर्णी यांनी संवाद साधला. यशवंतराव चव्हाण नाट्यगृहात रसिकांच्या उत्स्फूर्त प्रतिसादात ही मुलाखत रंगली.
प्रा. दवणे म्हणाले, शालेय वयापासून ग्रंथालयांमुळे शब्द, कविता, भाषांचे महत्त्व आणि आवड जोपासली गेली. सुरुवातीचे लेखन साभार परत येत असे. पण तो अपमान अथवा कमीपणा न समजता, अधिक चांगले, अधिक आशयपूर्ण लिहिण्याची ती संधी आहे, हे सांगणारे वडीलधारे होते. त्यामुळे सुधारण्याची, शिकण्याची प्रक्रिया सुरू राहिली आणि लेखनाचा रियाज करता आला. कथामालेसारख्या उपक्रमांतून कुसुमाग्रज, बोरकर, वसंत बापट, वसंत देसाई आदी मान्यवर भेटत राहिले. तेव्हाची पाठ्यपुस्तके ही गुणांपुरती नव्हती, ती जीवनपुस्तके होती. कागदावरच्या उत्तीर्णतेपेक्षा काळजावर कोरलेल्या शब्दांचा, निष्ठांचा तो काळ होता. नेमून दिलेले काम पूर्ण निष्ठेने आणि समर्पित वृत्तीने करण्याची सवय होती. आताच्या काळात झालेला फरक त्यामुळे पटकन जाणवतो. आजच्या शिक्षकांनी आणि पालकांनी आपापली प्रगतीपुस्तके पुन्हा तपासण्याची वेळ आली आहे, असे ते म्हणाले
रंजन, अंजन आणि सृजन या त्रिसूत्रीचा वापर करा
बालसाहित्याविषयी भाष्य करताना दवणे यांनी रंजन, अंजन आणि सृजन या त्रिसूत्रीचा वापर करण्याचा सल्ला दिला. मुलांच्या वयानुरूप असणाऱ्या जाणिवा, संवेदना, वृत्ती, उत्सुकता, जिज्ञासा, आनंद यांचे भान ठेवून लेखन करणे आवश्यक आहे. स्वतःचे बालपण आठवून आजच्या मुलांसाठी लिहिण्यापेक्षा आजच्या मुलांचे भावविश्व आधी समजून घेऊन, मग लेखन करण्याची गरज आहे, असेही ते म्हणाले. मुलांना अकाली प्रौढ करून त्यांचे बोन्साय करू नका, असे कळकळीचे आवाहनही त्यांनी केले.
एआयविषयी...
स्थानिकच्या निवडणुकांमध्ये सत्ताधाऱ्यांकडून पैशाचा प्रचंड वापर, आघाडीचा निर्णय स्थानिक नेतृत्व घेईल: रमेश चेन्नीथला.
राज्यात कायदा सुव्यवस्थेचा बोजवारा, उडता महाराष्ट्र करण्याचा प्रयत्न, राज्यात...