मनसे चा पाठपुरावा -विभागीय आयुक्त सौरभ रावांनी बोलाविली बैठक
पुणे-नदीपात्रातील भरावाबाबत मेट्रोच्या अधिकाऱ्यांनी पाटबंधारे विभागाशी केलेला खोटारडेपणा उघड झाला असून महापालिका प्रशासन नदीपात्रातील मेट्रोच्या कामाकडे हेतुपूर्ण व सत्ताधाऱ्यांच्या दबावपोटी दुर्लक्ष करीत आहे .असा आरोप करत निसर्गावर ,नदीवर आक्रमण करण्याचे काम त्वरित थांबवावे असा मनसे च्या वतीने शहराध्यक्ष अजय शिंदे यांनी पुन्हा इशारा दिला आहे दरम्यान मेट्रोच्या अधिकाऱ्यांनी पाटबंधारे विभागाला दिलेल्या खोट्या माहितीबाबत चे वृत्त समजताच मनसे च्या माग्नुनुसार विभागीय आयुक्त सौरभ राव यांनी येत्या शुक्रवारी या संदर्भात मेट्रो ,पाटबंधारे यांच्यासह एक संयुक्त बैठक बोलाविली आहे.
या प्रकरणी अजय शिंदे यांनी सांगितले कि , खडकवासला पाटबंधारे विभागाचे कार्यकारी अभियंता यांनी मेट्रोच्या कार्यकारी संचालकांना ५ फेब्रुवारी रोजी पत्र पाठविले आहे. या पत्रात डेक्कन जिमखाना परिसरातील नदी पात्रात टाकलेले भाराव काढून घेण्याच्या मागणी नंतर पाटबंधारे विभागाने मेट्रोला हे भाराव काढून घेण्याचे आदेश दिले होते . त्यानंतर ते आम्ही काढून टाकले असे पत्र मेट्रोने पाटबंधारे विभागाला दिले मात्र त्यानंतरही मनसे ने पाठपुरावा सुरूच ठेवल्याने पाटबंधारे विभागाने प्रत्यक्षात जागेवर जाऊन पाहणी केली असता भाराव काढून टाकलेले नसून तसेच असल्याचे दिसून आले. . त्यामुळे पाटबंधारे विभागाने हा प्रकार ५ फेब्रुवारीच्या पत्राने पुन्हा एकदा मेट्रोच्या कार्यकारी संचालकांना कळवून तातडीने भाराव काढून घेण्याचे पुन्हा आदेश दिले आहेत .
हा सारा पत्रव्यवहार मनसे ने अधिकार्यांच्या निदर्शनास आणून दिल्यावर विभागीय आयुक्तांनी या संदर्भात बैठक बोलाविली आहे. कालच उत्तराखंडात घडलेल्या प्रकारानुसार निसर्गावर केलेले अनिर्बंध आक्रमण सर्वसामान्य जनतेचा कसा घास घेते हे लक्षात घेऊन सर्व प्रकारचे दबाव झुगारून सौरभ राव यांनी याप्रकरणी नदीपात्रावरील आक्रमण दूर करून मेट्रो वर कारवाई करावी अशी मागणी अजय शिंदे यांनी केली आहे.
