महाराष्ट्र विधान परिषद उपसभापती डॉ. नीलम गोऱ्हे यांनी दिल्लीमध्ये घेतली पुरातत्व महासंचालक समवेत बैठक
न्यू दिल्ली, ता.६: पानिपत येथील मराठा योद्ध्यांच्या स्मारकामध्ये आवश्यक सुविधा करणे, एकवीरा देवी व लेण्याद्री देवस्थान तसेच राज्यातील इतर महत्वाचे ठिकाणांना भेडसावत असलेले प्रश्न सोडविण्याबाबत विधानपरिषद उपसभापती ना.डॉ.नीलम गोऱ्हे यांनी काल लोकसभा अध्यक्ष मा.ओम बिर्ला आणि आज पुरातत्व महासंचालक व्ही. विद्यावती यांना निवेदन दिले. याबाबत आज दि.०६ एप्रिल, २०२२ रोजी व्ही. विद्यावती यांच्यासमवेत बैठक घेतली या बैठकीत, योग्य ती सकारात्मक पावले उचलू असे प्रतिपादन यावेळी मा.श्रीमती व्ही विद्यावती यांनी केले.
डॉ.गोऱ्हे यांनी पानिपत स्मारकाची पाहणी केली होती. यात समोर आलेल्या प्रश्नाबाबत सविस्तर चर्चा याबैठकीत झाले. यात पानिपत स्मारकामध्ये ऐतिहासिक युद्धाबाबत सविस्तर माहिती पुस्तिका व माहितीपत्रके ऊपलब्ध करावी, वाचनालय चालु करावे, प्रकाश योजना व ध्वनी चित्र फीत असलेला साऊंड शो सुरु करावा, सुरक्षेसाठी होम गार्ड व्यवस्था करावी तसेच CCTV बसविणेबाबत व इतर सोयी साठी मान्यता द्यावी अशी सूचना केली याबाबत हरियाणा प्रशासनास ना हरकत प्रमाणपत्र देऊन प्रश्न मार्गी लावण्यात येईल असे श्रीम विद्यावती यांनी सांगितले.तसा प्रस्ताव हरियाणा देण्यास दि. ३ एप्रिलच्या बैठकीत हरियाणा स्थानिक अधिकारी यांना सांगितले असुन या पुर्वीचे पुरातत्व विभागाकडे दिलेले प्रस्तावही संबंधित विभाग प्रलंबित आहेत याकडेही नीलम गोर्हेंनी लक्ष वेधले. त्यांवर या कार्यवाहीस पुर्ण सहकार्य देऊ असे श्रीमती विद्यावती यांनी सांगितले .
मुंबईत विधान भवनमध्ये मे महिन्यात महाराष्ट्रातील या विषयासंदर्भात असलेल्या प्रश्नाबाबत बैठक घेऊ व त्या बैठकीस श्रीमती व्ही विद्यावती यांनी उपस्थित राहण्याबाबत विनंती केली. केंद्रीय पुरातत्व विभागाने प्रत्येक ३ महिन्याला घेतलेल्या निर्णयाबाबत आवश्यक प्रसिद्धी द्यावे असे ही सांगितले.
त्यावेळी श्रीमती विद्यावती महासंचालक पुरातत्व विभाग यांना डॉ गोऱ्हे यांच्या सूचनांचे स्वागत करून महाराष्ट्रातील पुरातत्व विभागाच्या सर्व विषयांवर सविस्तर चर्चा करण्यासाठी पूढील महिन्यात मुंबई मध्ये नक्की बैठक घेऊ व विषय सोडविण्याबाबत सकारात्मक निर्णय घेऊ असे डॉ गोऱ्हे यांना आश्वासीत केले. पानिपतच्या स्मारकामधील ज्या कामासाठी पुरातत्व विभागाच्या परवानगीची आवश्यकता आहे त्या तात्काळ देण्यासाठी सूचना देत आहे, असे सांगितले. तसेच जी कामे होणार आहेत,सुरू आहेत व पूर्ण झालीत त्यांची माहिती सविस्तर जाहीर केली जाईल, तर केंद्रिय पुरातत्व विभागात महाराष्ट्राच्या अनुषंगाने होणारे महत्त्वाचे निर्णय प्रत्येक ३ महिन्याला महाराष्ट्र विधिमंडळ ला कळविणेचे ही मान्य केले.
याबैठकीत एकवीरा व लेण्याद्री देवस्थान मधील भाविकांसाठी महत्वाच्या सोयीसुविधा यांना मान्यता व निधी उपलब्ध करून देण्याबाबत डॉ गोऱ्हे यांनी विनंती केली. त्यास श्रीमती विद्यावती यांनी तात्काळ निधी दिला जाईल असे यावेळी सांगितले.
