महापालिकेच्या जागेतील मटका :जुगार अड्ड्यावर अखेरीस छापा

पुणे- अनेक वर्षे कुणा राजकीय पुढाऱ्याच्या आशीर्वादाने सुरु असल्याची चर्चा असलेला केके मार्केट जवळील महापालिकेच्या ट्रक टर्मिनस च्या जागेत सुरु असलेल्या मटका – जुगार अड्ड्यावर पोलिसांनी छापा टाकून ६ जणांना अटक केली तर दोघांचा शोध सुरु आहे. महापालिकेने ट्रक टर्मिनस साठी आरक्षित ठेवलेल्या जागेत हा गैर, बेकायदा धंदा अनेक वर्षे सुरु होता . विशेष म्हणजे याबाबत तक्रार करणाऱ्यांना दमदाटी करण्यात येत होती . पोलीस आयुक्त अमिताभ गुप्ता यांच्या आदेशानाव्ये , आणि मार्गदर्शनाखाली सहआयुक्त संदीप कर्णिक ,भाग्यश्री नवटके ,उपायुक्त श्रीनिवास घाडगे,पोईल्स निरीक्षक राजेश पुराणिक फौजदार श्रीधर खडके सुप्रिया पंढरकर,पोलीस अंमलदार कुमावत,कांबळे ,पठाण ,कोलगे चव्हाण आदींनी हि कारवाई केली. एका पत्र्याच्या शेड मध्ये हा जुगार अड्डा सुरु होता. जुगाराचे साहित्य आणि सुमारे २६ हजाराची रोकड जप्त केली आहे. गणेश विजय जगताप (वय ३५ ),किशोर लक्ष्मण कांबळे (वय ३८ ) दोघे रा. स. नंबर ६५ रा. तळजाई माता वसाहत , पदमावती,पुणे हे हा जुगार अड्डा चालवीत होते पोलीस,त्यांचा शोध घेण्यात येत असल्याचे पोलिसांनी कळविले आहे. याशिवाय सुनील भानुदास क्षीरसागर ,उद्या चंद्रकांत कहार यांच्यासह ६ जणांना अटक करण्यात आली आहे. सामाजिक सुरक्षा विभाग , गुन्हे शाखा यांनी हि कारवाई केली