मुंबई – ५५ व्या महाराष्ट्र राज्य मराठी चित्रपट महोत्सवातील प्राथमिक फेरीच्या तीन-तीन नामांकनांची शिफारस तसेच ७ तांत्रिक पुरस्कार व बालकलाकाराचे एक अशी आठ पारितोषिके घोषित करण्यात आली आहेत.
अंतिम फेरीसाठी इडक, रेडू, झिपऱ्या,नशीबवान, मंत्र, मला काहीच प्रॉब्लेम नाही, असेही एकदा व्हावे, भेटली तू पुन्हा, क्षितिज-एक होरायझन, मुरांबा या दहा चित्रपटांचे सर्वोत्कृष्ट चित्रपटाच्या पारितोषिकांसाठी नामांकन झाले आहे. प्रथम पदार्पण चित्रपट निर्मिती करिता प्रभो शिवाजी राजा, कॉपी, अ ब क या तीन चित्रपटांचे आणि प्रथम पदार्पण दिग्दर्शनासाठी पिप्सी, ह्दयांतर, पळशीची पी.टी यांचे नामांकन घोषित करण्यात आले आहे.
१ जानेवारी ते ३१ डिसेंबर २०१७ या कॅलेंडर वर्षात सेन्सॉर संमत झालेल्या मराठी चित्रपटांपैकी एकूण ६१ मराठी चित्रपटांच्या प्रवेशिका ५५ व्या महाराष्ट्र राज्य मराठी चित्रपट महोत्सवाच्या प्राथमिक फेरीत दाखल झाल्या होत्या. त्या सर्व चित्रपटांचे प्राथमिक फेरीसाठी परीक्षक म्हणून श्री. सुरेश खरे, श्री. अरुण म्हात्रे, श्री. नरेंद्र पंडीत, श्री .अनंत अमेम्बल, श्री. केशव पंधारे, श्री. विजय कदम, श्री. शरद पोळ, श्री. नरेंद्र कोंद्रा, श्रीमती अंजली खोबरेकर, श्री.शरद सावंत, श्री. जाफर सुलतान, श्री. अशोक राणे, श्री. सतीश रणदिवे आणि श्रीमती कांचन अधिकारी यांनी काम पाहिले.
घोषित पुरस्कारांव्यतिरिक्त नामांकन लाभलेल्या पुरस्कारासाठी अंतिम फेरीच्या तज्ञ परीक्षक मंडळाकडून संबधित चित्रपटांचे परीक्षण केले जाणार असून हे पुरस्कार ३० एप्रिल २०१८रोजी चित्रपटसृष्टीतील मान्यवरांच्या उपस्थितीत समारंभपूर्वक प्रदान करण्यात येतील.
चित्रपट
1)उत्कृष्ट कलादिग्दर्शन
कै.साहेबमामा ऊर्फ फत्तेलाल पारितोषिक रु. 50,000/- व मानचिन्ह
विनायक काटकर
झिपऱ्या
2)उत्कृष्टछायालेखन
कै. पांडूरंगनाईकपारितोषिकरु. 50,000/- व मानचिन्ह
अर्चना बोराडे
इडक
3)उत्कृष्ट संकलन रु. 50,000/- व मानचिन्ह
देवेन्द्र मुर्डेश्वर
झिपऱ्या
4)उत्कृष्टध्वनीमुद्रण रु. 50,000/- व मानचिन्ह
दिनेश उचील
पल्याडवासी
5)उत्कृष्टध्वनीसंयोजन रु. 50,000/- व मानचिन्ह
रसूल पुकुटी
अर्णव दत्ता
क्षितीज-एक होरायन
6 )उत्कृष्ट वेशभूषा रु. 50,000/- व मानचिन्ह
प्रकाश निमकर
झिपऱ्या
7 )उत्कृष्टरंगभूषा
रु. 50,000/- व मानचिन्ह
श्रीकांत देसाई
रेडू
8) उत्कृष्टबालकलाकार
कै. गजानन जहागिरदार पुरस्कार आणि
रु. 50,000/- व मानचिन्ह
साहिल जोशी-
मैथिली पटवर्धन
अ ब क
पिप्सी
