6 मीटरचे सर्वच रस्ते ९ मीटर रुंद करण्याचा विषय बहुमताने मंजूर,काँग्रेस-राष्ट्रवादी-शिवसेनेचा विरोध(व्हिडीओ)

पुणे-भाजपने अतिशय प्रतिष्ठेचा केलेला 323 रस्ते रुंद करण्याचा प्रस्ताव मंगळवारी (दि.9) स्थायी समितिच्या बैठकीत, ३२३ ऐवजी सर्वच 6 मीटर रुंदीचे रस्ते ९ मीटर रुंद करण्याच्या उपसूचने सहबहुमताने मंजूर करण्यात आला. या प्रस्तावाला काँग्रेस-राष्ट्रवादी-शिवसेनेने घुमजाव करत अचानक विरोध केला. 10 विरुद्ध 6 असे मतदान झाले.करायचे तर सर्वच रस्ते ९ मीटर करा अशी मागणी करत ३२३ रस्तेच का? असा सवाल करत हा प्रस्ताव काही बिल्डरांचे उखळ पांढरे करण्यासाठी आणण्यात आल्याचा आरोप महाविकास आघाडीने केला होता.त्यांच्या मागणीनुसार स्थायी समितीत हा प्रस्ताव ८ दिवस पुढे ढकलून आज आयत्यावेळी त्यांच्या मागणी नुसार उपसूचना हि देण्यात आली .मात्र यावरही आक्षेप घेत महाविकास आघाडीने यास विरोध केला शहरात एकूण 2000 रस्ते 6 ते साडेसात मीटर रुंदीचे आहे हे शहरातील सर्व 6 मीटरचे रस्ते 9 मीटर करण्याबाबत हरकती – सूचना मागविण्याच्या उपसूचनेसह हा प्रस्ताव मंजूर करण्यात आला आहे, अशी माहिती स्थायी समितीचे अध्यक्ष हेमंत रासने यांनी दिली.हा प्रस्ताव मंजूर झाल्याने शहरातील विकासाला चालना मिळणार असल्याचा विश्वास हेमंत रासने यांनी व्यक्त केला. तर, ठराविक बांधकाम व्यावसायिकांच्या हितासाठी हा निर्णय घेण्यात येत असल्याचा आरोप शिवसेना-काँगेस-राष्ट्रवादी या तिन्ही पक्षांतर्फे करण्यात आला होतासर्वच सहा मीटर रस्ते 9 मीटर रुंद करावेत 6 मीटर रस्त्याच्या कडेला असलेल्या मिळकतींना टीडीआर आणि प्रीमियम एफएसआय वापरण्याची परवानगी देण्यात यावी, अशी मागणी या तिन्ही विरोधी पक्षांनी महापालिका आयुक्त आणि उपमुख्यमंत्री अजित पवार यांच्याकडे केली होतीशहरातील 6 मीटर रस्त्यांची रुंदी वाढवा. ठराविकच रस्त्यांची रुंदी वाढविल्यास राज्य शासन हस्तक्षेप करणार असल्याचा इशारा पवार यांनी दिला होता. अध्यक्ष हेमंत रासने यांनी बैठकीत उपसुचनेसह प्रस्तावाला मंजुरी दिली. त्यामुळे आता शहरातील विकास झपाट्याने होणार असल्याचा विश्वास भाजपला आहे.