महाराष्ट्राचा महासिनेमा ‘सरसेनापती हंबीरराव’ होणार हिंदी, तेलगू, मल्याळममध्ये डब..?

दिग्दर्शक प्रवीण तरडे यांचा मुळशी पॅटर्न गाजला. मुळशी पॅटर्न ह्या सिनेमाने महाराष्ट्रात हाऊसफूलचे बोर्ड झळकवत कमाई केली. काही दिवसांनी त्यांच्या नव्या सिनेमाची घोषणा झाली. ‘सरसेनापती हंबरराव’ स्वराज्याचे पहिले सरसेनापती हंबीरराव मीहिते यांची शौर्य गाथा दाखवणारा सिनेमा बघायला मिळेल याची उत्सुकता आहे, सिनेमाची तारीखही जाहीर झाली आणि अखेर ट्रेलर आला.
ट्रेलर बघून अनेकांनी प्रतिक्रिया दिल्या. आत्तापर्यंत बाहुबली, पुष्पा, केजीएफ आशा अनेक साऊथ सिनेमाच्या भव्यतेबद्दल कौतुक करणारे आपण हा मराठमोळा सरसेनापती हंबीररावचा ट्रेलर बघितल्यावर ट्रेलरमध्ये दिसणारी ती भव्यता आता पडद्यावर बघण्यासाठी अनेकजण उत्सुक आहेत. स्वराज्याचे सरसेनापती यांचे शौर्य आपल्याला पडद्यावर बघताना नक्कीच महाराजांच्या स्वराज्यात आल्याची अनुभूति आल्याशिवाय राहणार नाही असा दावा केला जाऊ लागला.
सरसेनापती हंबीरराव हा सिनेमा मराठीतला पहिला सर्वात भव्यदिव्य असा सिनेमा ठरणार आहे. सिनेमात दाखवलेल्या लढाया, त्यातली गनिमाच्या फौजा, स्वराज्याचे मावळे त्यांची संख्या हे सगळ बघताना आपल्याला नक्कीच मराठी सिनेसृष्टीचा अभिमान वाटेल.असेही सांगितले जाते आहे
त्यातली भव्यता, त्यातला व्हीएफक्स, कॅमेरा, कॉस्च्युम हे सगळ बघता ह्या सिनेमाच बजेट किती असेल हा प्रश्न नक्कीच पडेल. परंतु हा मराठीतला सर्वाधिक बजेट असणारा सिनेमा आहे आजपर्यंत आपण हिन्दी डब केलेले साऊथ सिनेमे तमाम महाराष्ट्राने डोक्यावर घेतले. पण आता आपला सिनेमा आपल्या महाराष्ट्राचा, मराठमोळा सिनेमा हिंदी, तेलगू, मल्याळम, कन्नड ह्या भाषांमध्ये डब करून साऊथकड हा सिनेमा पोहचेल का आणि सरसेनापती हंबीरराव यांचा प्रताप, शौर्य तिथल्या लोकांसमोर येईल का हे बघण उत्सुकतेच असेल.असे ह्या सिनेमाच लेखन आणि दिग्दर्शन प्रवीण तरडे यांनी म्हटले असून ह्या उर्वीता प्रोडक्शन अंतर्गत ह्या सिनेमाची निर्मिती शेखर मोहिते पाटील, सौजन्य निकम आणि धर्मेद्र बोरा यांनी केली आहे. या सिनेमाचे डीओपी महेश लिमये हे आहेत.
ह्या सिनेमात प्रवीण तरडे यांनी सरसेनापती हंबीरराव मीहिते यांची भूमिका साकारली आहे. तर गश्मीर महाजन यांनी छत्रपती संभाजी महाराज यांची भूमिका साकारली आहे. हा महाराष्ट्राचा महासिनेमा येत्या २७ मे ला सर्वत्र प्रदर्शित होत आहे.