मुंबई- मराठी अभिनेत्री,महाराष्ट्राची लेक तेजस्विनी पंडितला अनुराधा वेब सीरिअल मधील पोस्टर मधील अंग प्रदर्शनामुळे महिला आयोगाने नोटीस काढली,पण उर्फिच्या बाबत मात्र दखल घ्यायला वेळ नाही, तिला गोंजारायचे काम चालू आहे , महिला आयोगाने महिलांचा सन्मान जपायला हवा परंतु महिला आयोग सुमोटोही दाखल केली नाही. महाराष्ट्रात नंगानाच चालू देणार नाही असा इशारा भाजप नेत्या चित्रा वाघ यांनी दिला.
चित्रा वाघ म्हणाल्या, अंगावर नगण्य कपडे घालून सार्वजनिक ठिकाणी ओंगळवाणे प्रदर्शन केल्याचा व्हिडीओ एका महिलेने मला दाखवला. दीड वर्षांपुर्वी या महिलेची मुलगी घाणेरड्या विकृतीला बळी पडली असे तिने मला सांगितले व या विकृतीला कुणी जाब विचारणार की नाही असे म्हटले. त्यानंतर आम्ही हीच भुमिका घेतली. आता आम्ही हा नंगानाच चालू देणार नाही.चित्रा वाघ म्हणाल्या, विरोध धर्माला नाही परंतु, छत्रपती शिवरायांच्या महाराष्ट्रात नंगानाच सुूरु आहे त्या विकृतीला विरोध आहे. उर्फीला विरोध नाही तर तिच्या नंगा नाचला विरोध आहे. कुणी काय कपडे घालावे आणि कुणी घालू नये. यावर काय बोलावे. आधी कपडे तर घाला मग ठरवा.चित्रा वाघ म्हणाल्या, समाजाचे स्वास्थ महत्वाचे आहे. तिथे राजकारण करायची गरज नाही. पण तसे राज्यात झाले नाही. राज्यात सार्वजनिक ठिकाणी नंगा नाच सुरू आहे. ही महाराष्ट्राची संस्कृती आहे का? याचे उत्तर उर्फीला समर्थन करणाऱ्यांनी द्यावे. व्यक्ती स्वातंत्र्याच्या नावावर स्वैराचार झालाय. असला नंगा नाच चालू देणार नाही.चित्रा वाघ म्हणाल्या, ही भुमिका घेतल्यानंतर उड्या पडणे साहाजिकच होते. अधिकारपदावर बसलेल्या महिला काय म्हणतात ते मी सांगते. कुणी काय कपडे घालायचे हा ज्याचा त्याचा अधिकार महिला आयोग याबाबतीत वेळ वाया घालणार नाही. महिलांचा सन्मान जपणे, सन्मान राखणे हे काम परंतु, महिलांची इभ्रत, इज्जत,उघड्या फिरणाऱ्या महिलांना जाब विचारावा वाटत नाही. महिला आयोगाने सुमोटात दखल का घेतली नाही. कारवाई का केली नाही. हेअरिंग घेणे ते कामच महिला आयोगाचे आहे.चित्रा वाघ म्हणाल्या, अश्लील गोष्टी आणि कृतीवर महिला आयोग दखल घेत नसेल तर महिला आयोगावर बसण्याचा कुणाला अधिकार नाही. उर्फीसोबत महिला आयोगही बेफाम झालाय का? स्वैराचाराला लगाम घालणे ही नैतिक जबाबदारी पण महिला आयोग ती विसरत आहे का, समाजात चुकीचे घडत असेल तर त्याला वाईटपणा घ्यावा लागतो व मी ते करीत आहे.चित्रा वाघ म्हणाल्या, पोस्टरमुळे अंगप्रदर्शन होते व त्यामुळे समाजमनावर परिणाम होतो हे महिला आयोग एकीकडे सांगते. एका पोस्टरची दखल घेणारा महिला आयोग मुंबईच्या रस्त्यावर चालणाऱ्या नंगा नाचाबाबत महिला आयोग दखल का घेत नाही. हेच सांगायला मी आलेय.चित्रा वाघ म्हणाल्या, कुठल्या महिलांना पीडीतांना न्याय द्यायचाय तर केंद्राकडे दाद मागा मी म्हणते का? महिला आयोगाने हात टेकले काय तुमच्या पक्षाने महिला आयोगावर तुम्हाला बसवले याची स्पष्टता द्या. अॅडव्हायझर चुकीचे सल्ले देत असल्यानेच महिला आयोग तोंडावर आपटत आहे. महिला आयोगाचे पद संविधानिक आहे ती व्यक्ती नाही. ती ऑथोरिटी आहे व ती तोंडावर पडत नसेल तर राज्यासाठी योग्य नाही.चित्रा वाघ म्हणाल्या, धर्माला व उर्फीला विरोध नाही. नंगा नाचला विरोध आहे. हा राज्यात चालू देणार नाही. धर्माबाबत राष्ट्रवादी काॅंग्रेसकडून आरोप होत आहेत. चोवीस तास हिंदु मुस्लिम वाद राष्ट्रवादी काॅंग्रेस करतो. धर्माचा, उर्फीचा नाही विषय नंगटपणाचा आहे.
