पुणे :’अलर्ट’ संस्थेच्या ‘पुणे क्लायमेट वॉरियर’ या उपक्रमांतर्गत दि.१८ जानेवारी २०२५ रोजी ‘द बिग ग्रीन फेस्ट ‘ या पर्यावरण विषयक महोत्सवाचे आयोजन पं.जवाहरलाल नेहरू सभागृह(घोले रस्ता) येथे करण्यात आले आहे.या महोत्सवात आठ ते अठराहून अधिक वयोगटातील विद्यार्थी,विद्यार्थिनी व व्यक्तींसाठी पर्यावरण विषयक विविध स्पर्धां घेण्यात येणार असून सहभाग घ्यावा, असे आवाहन संयोजकांच्या वतीने करण्यात आले आहे.८ ते १० या वयोगटासाठी ‘ पर्यावरण रक्षक ‘,११ ते १३ या वयोगटासाठी ‘कचऱ्यातून संपत्ती’, १४ ते १७ या वयोगटासाठी ‘हवामान बदलाचे पडसाद’,१८ वर्षावरील वयोगटासाठी ‘शाश्वत भविष्य’ या विषयांना अनुसरून केलेल्या वेषभूषेच्या माध्यमातून स्पर्धकांनी सादरीकरण करावयाचे आहे. महाविद्यालयीन विद्यार्थ्यांच्या सर्जनशीलतेला वाव देण्याच्या दृष्टीने वरील विषयांवर पोस्टर(भित्तीपत्रक) स्पर्धेचे आयोजनही करण्यात आले आहे. या स्पर्धेत सहभागी होण्यासाठी व अधिक माहितीसाठी ८३९०४९२८७८ या क्रमांकावर संपर्क साधावा. विजेत्यांना विजेत्यांना स्मृतिचिन्ह,प्रमाणपत्र आणि रोख रकमेची पारितोषिके देण्यात येणार आहेत.
महोत्सवात इतर अनेक कार्यक्रम सादर करण्यात येणार असल्यामुळे स्पर्धकांची संख्या मर्यादित ठेवण्यात आली आहे .स्पर्धेतील सहभाग लवकरात लवकर नोंदवावा,असे आवाहन मुख्य संयोजक ऍड.दिव्या चव्हाण-जाचक यांनी केले आहे.पर्यावरण रक्षणासंबंधी जनजागृती करण्याच्या उद्देशाने राज्यसभेच्या माजी खासदार ऍड.वंदना चव्हाण यांच्या संकल्पनेतून राबविल्या जाणाऱ्या अनेक उपक्रमांपैकी एक म्हणजे ‘ पुणे क्लायमेट वॉरियर’ हा आहे. या उपक्रमांतर्गत साजऱ्या होणाऱ्या या महोत्सवात पर्यावरण विषयक विविध कार्यक्रम सादर होणार आहेत .सर्वानी अधिकाधिक संख्येने यामधे सहभागी व्हावे,असे आवाहन पत्रकाद्वारे करण्यात आले आहे.
