पुणे-जिथे जिथे ठाकरे गटाचे नगरसेवक आहेत आणि आता जे ५ भाजपात गेलेत अशा ५ हि जागा आमच्या असल्याचा दावा एकनाथ शिंदेंच्या शिवसेनेने केल्याने भाजपात जाऊन तिथे उमेदवारी मागणाऱ्यांचा संघर्ष आता टप्प्यात येणार आहे. बाळासाहेब ठाकरेंना माननाऱ्या आणि ठाकरेंचे वारस उद्धव ठाकरेच असे मानणारे कट्टर शिवसैनिक उद्धव ठाकरेंच्या , आदित्य ठाकरेंच्या शिवसेनेत अजूनही आहेत . यातील कट्टर म्हणून ओळखले जाणारे विशाल धनवडे, बाळासाहेब ओसवाल,पल्लवी जावळे आणि अन्य २ असे ५ नगरसेवक भाजपा नेते फडणवीस यांना भेटले आणि त्यांनी भाजपचा प्रवास सुरु केला आहे. यात आता शंका घेण्याचे कोणतेही कारण उरलेले नाही. मात्र भाजपात गेल्यावर कसा संघर्ष करावा लागतो हे कॉंग्रेस मधून गेल्या ७/८ वर्षापूर्वी भाजपात गेलेल्यांना चांगले ठाऊक आहे त्याची चिन्हे आताच या ५ नगरसेवकांच्या भाळी देखील असल्याचे दिसून येत आहे. कारण त्या ५ जागा भाजपने घेऊ नये त्या आमच्या शिवसेनेच्या आहेत असा दावा आता एकनाथ शिंदेंच्या शिवसेनेने सुरु केला आहे. ज्यामुळे ठाकरे गटातून भाजपात गेलेल्यांना संघर्ष करावा लागणार आहे.
राज्यात महायुतीनं सरकार स्थापन केलं असलं तरी अनेक वाद चव्हाट्यावर येताना दिसत आहेत. खातेवाटपावरुन शिंदे गट आणि भाजपमधील सुरु झालेला वाद आता महापालिका निवडणुकीतही पाहायला मिळणार आहे. भाजपमध्ये गेलेल्या नगरसेवकांच्या जागा ह्या आमच्याच असल्याचा दावा शिंदे गटाच्या शिवसेनेनं केला आहे. यासंदर्भात शिवसेनेचे पुणे शहर प्रमुख नाना भानगिरे यांनी स्पष्ट मत व्यक्त केलं आहे.विधानसभा निवडणुकीत जागावाटपावरुन आणि निकालानंतर खातेवाटपावरुन शिंदे गट आणि भाजप यांच्यात नाराजी नाट्य पाहायला मिळाले. पक्षातील बड्या नेत्यांनी हे चित्र लपवण्याचा प्रयत्न केला. पण आता या वादाची ठिणगी पुण्यात पडली आहे.
नाना भानगिरे यांनी आज पत्रकार परिषद घेत आपली भूमिका मांडली आहे. शिवसेनेने यापूर्वी लढलेल्या जागांवर शिवसेनेचा हक्का असल्यामुळं त्या जागांवर शिवसेनेचेच उमेदवार निवडणूक लढवतील अशी भूमिका नाना भानगिरे यांनी मांडली आहे. 2017 च्या महापालिका निवडणुकीमध्ये शिवसेने जितक्या जागांवर निवडणूक लढवली आहे. तेवढ्या जागांवर आता आम्ही निवडणूक लढवणार आहे अस भानगिरे यांनी यावेळी स्पष्ट केलं.तसेच, शहरातील सर्व प्रभागांमध्ये निवडणुक लढविण्याच्यादृष्टीने आमच्या पक्षाच्या बैठका सुरु आहेत. मतदार नोंदणी, संपर्क अभियान राबविलं आङे. 35 ते 40 जागांवर आम्ही निवडणूक लढवणार आहे. लोकसभा, विधानसभा निवडकीवेळी आम्ही युतीतील घटक पक्षांच ऐकलं आहे. आता वरिष्ठ जे निर्णय घेतील तो आम्हाला मान्य असेल असही यावेळी भानगिरे म्हणाले.तसेच, यावेळी त्यांनी महापालिका निवडणुकीच्या तयारीची माहितीदेखील दिली. यावेळी पक्षाचे जिल्हा सहसंपर्कप्रमुख अजय भोसले यांच्यासह महिला पदाधिकारीदेखील उपस्थित होत्या.
