पुणे–महाराष्ट्रात प्रशासकीय सेवेतील आयएएस अधिकाऱ्यांच्या बदल्या करण्यात येत आहेत. राज्याचे सामान्य प्रशासन विभागाचे अपर सचिव व्ही. राधा यांच्या आदेशानुसार या बदल्या करण्यात येत आहेत. यात पूजा खेडकर प्रकरणात चर्चेत आलेले डॉ. सुहास दिवसे यांना पदोन्नती देत त्यांची बदली करण्यात आली आहे. दिवसे यांच्या जागी साताऱ्याचे जिल्हाधिकारी जितेंद्र डूडी यांना पदभार देण्यात आला आहे. तर साताऱ्याच्या जिल्हाधिकारी पदावर पुण्याचे जिल्हा परिषद मुख्य कार्यकारी अधिकारी संतोष पाटील यांची नियुक्ती करण्यात आली आहे.
राज्य शासनाच्या आदेशानुसार राज्यातील 10 आयएएस अधिकाऱ्यांच्या बदल्या करण्यात येत असून यातील काहींना पदोन्नती देखील देण्यात आली आहे. पुण्याचे जिल्हाधिकारी डॉ. सुहास दिवसे यांना पदोन्नती देत भूमी अभिलेख विभागाच्या जमाबंदी आयुक्तपदावर नियुक्त करण्यात आले आहे. पूजा खेडकरने डॉ. सुहास दिवसे यांच्यावर विनयभंगाचे आरोप केले होते. मात्र दिवसे यांनी हे आरोप फेटाळून लावले आणि अब्रू नुकसानीचा दावा दाखल केला होता. पुण्याचे जिल्हा परिषद सीईओ संतोष पाटील यांची सातारा जिल्हाधिकारी पदावर नियुक्ती करण्यात आली आहे.
आयएएस अधिकाऱ्यांच्या बादल्यांची यादी:
1) जयश्री भोज, महाआयटी, अन्न आणि नागरी पुरवठा सचिव म्हणून नियुक्त.
2) जितेंद्र दुड्डी, जिल्हाधिकारी, सातारा यांची पुणे येथे जिल्हाधिकारी म्हणून नियुक्ती.
3) विनिता वेद सिंघल, कामगार, प्रधान सचिव, पर्यावरण, म्हणून नियुक्ती
४) आय ए कुंदन, एसीएस स्कूल एज्यु. प्रधान सचिव, कामगार म्हणून नियुक्ती.
5) मिलिंद म्हैसकर, एसीएस पब हेल्थ एसीएस फॉरेस्ट म्हणून नियुक्त.
६) वेणुगोपाल रेड्डी, एसीएस फॉरेस्ट, एसीएस, हायर आणि टेक.एड्यु.
७) निपुण विनायक, रुसा सचिव, पब हेल्थ (१) म्हणून नियुक्ती.
8) संतोष पाटील, सीईओ जि.प. पुणे यांची जिल्हाधिकारी, सातारा म्हणून नियुक्ती.
9) हर्षदीप कांबळे, प्रधान सचिव, सामाजिक न्याय म्हणून नियुक्ती.
10) विकासचंद्र रस्तोगी, प्रधान सचिव, उच्च व तंत्रशिक्षण. प्रधान सचिव, कृषी म्हणून नियुक्ती.
