पुणे- महाराष्ट्राचे नवनिर्वाचित मंत्री नितेश राणे यांचे वादग्रस्त विधान समोर आले आहे. केरळ हा मिनी पाकिस्तान आहे, त्यामुळेच राहुल गांधी आणि त्यांची बहीण प्रियंका गांधी तेथे विजयी होतात, असे लोक त्यांना खासदार बनवण्यासाठी मतदान करतात, असे त्यांनी म्हटले आहे. नितेश राणे यांनी रविवारी पुण्यातील एका कार्यक्रमात भाषण करताना हे वादग्रस्त वक्तव्य केले आहे.
या वेळी नितेश राणे म्हणाले की, केरळमध्ये फक्त अतिरेकी प्रियंका गांधींना मतदान करतात. त्यांच्या भाषणापूर्वीच महाराष्ट्र पोलिसांनी कार्यक्रमाच्या आयोजकांना मंत्री नितेश राणे भडकाऊ भाषण करणार नाहीत याची काळजी घेण्यास सांगितले होते. मात्र, आता राणे यांच्या या वक्तव्यामुळे वाद निर्माण होण्याची शक्यता वर्तवली जात आहे.
या आधी 2 नोव्हेंबर रोजीही केले होते प्रक्षोभक वक्तव्य
2 नोव्हेंबर 2024 रोजी देखील राणे यांना माध्यमांनी तुम्हाला मुस्लिमांची काय अडचण आहे? असा प्रश्न विचारला होता. त्याला उत्तर देताना ते म्हणाले होते की, “देशात 90 टक्के हिंदू राहतात. हिंदूंच्या हिताची काळजी करणे हा गुन्हा असू शकत नाही. याशिवाय देशातील बांगलादेशी हिंदूंच्या सणांवर दगडफेक करतात. जर या विरोधात आवाज उठवला गेला तर तो उठवल्याबद्दल गुन्हा दाखल झाला तर मी त्याला सामोरे जाण्यास तयार असल्याचे राणे यांनी म्हटले आहे.
