राज्यमंत्री : माधुरी मिसाळ यांच्यासह पाच जणांची अजूनही मंत्रालयाकडे पाठ
माधुरी मिसाळ ( नगरविकास, परिवहन, सामाजिक न्याय, वैद्यकीय शिक्षण, अल्पसंख्याक विकास व औकाफ) आशिष जयस्वाल (वित्त, नियोजन, कृषी, मदत व पुनर्वसन, विधि व न्याय, कामगार)
पंकज भोयर : गृह ( ग्रामीण), गृहनिर्माण, शालेय शिक्षण, सहकार, खनिकर्म
मेघना बोर्डीकर : सार्वजनिक आरोग्य व कुटुंबकल्याण, पाणीपुरवठा आणि स्वच्छता, ऊर्जा, महिला व बालविकास, सार्वजनिक बांधकाम (सार्वजनिक उपक्रम).
इंद्रनील नाईक : उद्योग, सार्वजनिक बांधकाम, उच्च व तंत्रशिक्षण, आदिवासी विकास, पर्यटन, मृद आणि जलसंधारण.
या मंत्र्यांनी अद्याप पदभार स्वीकारलेला नाही
गुलाबराव पाटील (पाणीपुरवठा व स्वच्छता)
दादाजी भुसे (शालेय शिक्षण)
उदय सामंत (उद्योग, मराठी भाषा)
जयकुमार रावल (पणन, राजशिष्टाचार)
अतुल सावे (इतर मागास, बहुजन कल्याण, दुग्धविकास, अपारंपरिक ऊर्जा)
शंभूराज देसाई (पर्यटन, खनिकर्म, माजी सैनिक कल्याण)
आशिष शेलार (माहिती तंत्रज्ञान, सांस्कृतिक कार्य)
माणिकराव कोकाटे (कृषी)
दत्तात्रेय भरणे (क्रीडा व युवक कल्याण, अल्पसंख्याक विकास व औकाफ)
शिवेंद्रसिंहराजे भोसले (सार्वजनिक बांधकाम- सार्वजनिक उपक्रम वगळून)
नरहरी झिरवाळ (अन्न व औषध प्रशासन , विशेष साहाय्य)
संजय सावकारे (वस्त्रोद्योग)
भरत गोगावले (रोजगार हमी, फलोत्पादन, खारभूमी विकास)
मकरंद जाधव (पाटील) (मदत व पुनर्वसन)
प्रकाश आबिटकर (सार्वजनिक आरोग्य व कुटुंबकल्याण)
मुख्यमंत्री देवेंद्र फडणवीस यांच्या मंत्रिमंडळात समाविष्ट ३६ कॅबिनेट आणि ६ राज्य मंत्र्यांपैकी १९ जणांनी मंत्रालयातील त्यांच्या कार्यालयात येऊन पदभार स्वीकारला आहे, तर १५ कॅबिनेट आणि ५ राज्यमंत्र्यांनी विविध कारणांमुळे अद्याप थेट मंत्रालयाचा कार्यभार स्वीकारलेला नाही, अशी माहिती सामान्य प्रशासन विभागाशी संबंधित सूत्रांनी दिली.
मंत्रालयाच्या राजकीय वर्तुळात सुरू झालेल्या चर्चेनुसार काही मंत्र्यांनी त्यांच्या पसंतीचे खाते न मिळाल्याने पदभार स्वीकारण्यास जाणीवपूर्वक विलंब केला आहे. याशिवाय माजी पंतप्रधान मनमोहन सिंग यांच्या निधनामुळे काही मंत्र्यांनी या आठवड्यात पदभार स्वीकारला नाही आणि आता सोमवारी पदभार स्वीकारण्याचा निर्णय घेतला आहे. मंत्रालय आणि विस्तारित इमारतीमध्ये स्थित बहुतांश मंत्र्यांच्या कार्यालयांच्या दुरुस्तीचे काम सध्या सुरू आहे. त्यामुळे ३६ मंत्र्यांपैकी जवळपास निम्म्या मंत्र्यांनी अद्याप मंत्रालयात येऊन काम सांभाळू शकलेले नाहीत. मात्र, या मंत्र्यांनी सह्याद्री अतिथीगृहावर आपापल्या विभागांशी संबंधित बैठका घेऊन कामाला सुरुवात केली आहे. दरम्यान, दुय्यम दर्जाचे खाते मिळाल्याने अनेक मंत्री हे नाराज असल्याची चर्चाही सध्या मंत्रालय परिसरात होत आहे.
