मालमत्ता जप्तीच्या आदेशावर धनंजय देशमुख यांनी प्रतिक्रिया दिली आहे. मुख्यमंत्र्यांनी फरार आरोपींची मालमत्ता जप्त करण्याचे आदेश दिले आहेत, मात्र आरोपींना स्वतःचे राहायला घर नाही. त्यांच्या काय मालमत्ता जप्त करणार? असा प्रश्न उपस्थित करीत आमचा माणूस गेलाय, तुम्ही माणूस परत देऊ शकत नाहीत. आम्ही फक्त न्याय मागतोय, न्याय द्या. असे संतोष देशमुख यांचे बंधू धनंजय देशमुख यांनी सांगितले.
बीड-मुख्यमंत्री देवेंद्र फडणवीस यांनी संतोष देशमुख हत्या प्रकरणातील फरार आरोपींचीह संपत्ती जप्त करण्याचे आदेश सीआयडीला दिले होते. सीआयडीने या प्रक्रियेस सुरुवात केली असल्याचे समजते.संतोष देशमुख हत्या प्रकरणातील फरार असलेल्या तीन आरोपींच्या मालमत्तेची माहिती गोला करण्याचे काम सीआयडीने सुरू केले आहे. त्यानुसार आता प्रशासनाने आरोपींच्या मालमत्तेचा शोध घेणे तसेच माहिती गोला करत त्यावर जप्तीची कारवाई करण्यास सुरुवात केली असल्याचे दिसत आहे. या प्रकरणातील सुदर्शन घुले (26), कृष्णा आंधळे (27), सुधीर सांगळे, अशी तीन आरोपींची नावे आहेत.
संतोष देशमुख हत्या प्रकरणात मंत्री धनंजय मुंडे यांचे निकटवर्तीय वाल्मीक कराडवर गंभीर आरोप करणे सुरू आहे. वाल्मीक कराडवर खंडणीचा देखील गुन्हा दाखल असून सध्या फरार आहे. सीआयडीने त्याच्या पत्नीची चौकशी देखील केली होती. याच सोबत सीआयडीने राष्ट्रवादी कॉंग्रेस अजित पवार गटाच्या शहराध्यक्षाची देखील चौकशी केली होती. त्यामुळे या प्रकरणाला गती मिळाली असून लवकरच आरोपींना ताब्यात घेतले जाऊ शकते.
दरम्यान, सामाजिक कार्यकर्त्या अंजली दमानिया यांनी देखील बीडमधील गुन्हेगारी तसेच संतोष देशमुख हत्या प्रकरणी मोठे सत्यशोधक आंदोलन सुरू केले आहे. तसेच वाल्मीक कराड यांच्यावर कारवाई करण्याची मागणी केली आहे. याच सोबत अंजली दमानिया यांनी वाल्मीका कराड व धनंजय मुंडे यांच्या समर्थकांचे बंदूक घेऊन असलेले फोटो व व्हिडिओ देखील शेअर केले आहेत.
