सुप्रीम कोर्ट भेदरलेल्या अवस्थेत,निवडणूक आयोग यांनी नेमलेल्या शिपायासारखे-उत्तम जानकर म्हणाले की, निवडणूक आयोग यांनी नेमलेल्या शिपायासारखे काम करतो. तर सुप्रीम कोर्ट हे भेदरलेल्या अवस्थेत आहे. परंतू या सगळ्याविरोधात लढणार आहोत. पुढील 4 महिन्यात लोकमताचे नसलेले हे सरकार जमीनदोस्त झालेले दिसेल अशी आम्ही तयारी केली आहे.
पुणे-अजित पवार यांचा बारामती मतदारसंघात 20 हजार मतांनी पराभव झाला आहे, राज्यातील विधानसभा निवडणुकीत 150 मतदारसंघात गडबड झाल्याचा दावा राष्ट्रवादी शरद पवार गटाचे आमदार उत्तम जानकर यांनी केला आहे.दरम्यान उत्तम जानकर पुढे बोलताना म्हणाले की, अजित पवार यांचे केवळ 12 आमदार या राज्यात निवडून आले आहेत. त्यानंतर एकनाथ शिंदे यांचे 18 तर भाजपचे 77 आमदार निवडून आले आहे. त्यांची सर्वांची संख्या मिळून 107 चा आकडा आहे.
उत्तम जानकर म्हणाले की, राहुल गांधी आणि शरद पवार यांच्यासमवेत लवकरच निवडणूक आयोगाकडे या प्रकरणी आम्ही जाणार आहोत. विधानसभा निवडणुकीत अजित पवार यांचे 12, तर एकनाथ शिंदे आणि भाजपचे, असे 107 मतदार निवडून आले आहेत.उत्तम जानकर म्हणाले की, जयकुमार गोरेंच्या मतदारसंघात एकास 5 अशी सेटिंग करण्यात आली होती. त्यांना 1 लाख 3 हजार मते आहेत. त्यांची जवळपास 30 हजार मते विरोधी उमेदवारांची आहे. ते 13 हजार मतांनी पडले आहे. मी या सर्व प्रकरणाचा अभ्यास करत आहोत.उत्तम जानकर म्हणाले की, या सरकारने राजीनामा द्यायला पाहिजे तुम्ही द्यायला तयार नसाल तर मी राजीनामा द्यायला तयार आहे. माझ्या मतदारसंघात पोटनिवडणूक घेतली पाहिजे.
