बीड-माजी मंत्री जितेंद्र आव्हाड यांच्या विरोधात ट्विट केल्याने रुपाली ठोंबरे यांच्या विरोधात गुन्हा दाखल करण्यात आला आहे. बीडच्या शिवाजीनगर पोलिस ठाण्यात त्यांच्यावर गुन्हा दाखल करण्यात आला आहे.दरम्यान जितेंद्र आव्हाड यांचा फोटो असलेले चॅट एक्स वर पोस्ट करत आव्हाड कशाप्रकारे समाजा समाजात तेढ निर्माण करतात हे दाखवण्याचा ठोंबरे यांचा प्रयत्न केल्याने रुपाली ठोंबरे यांच्यासह विक्रांत फड, रेखा फड, कृष्णा धानोरकर, बिभीषण अघाव, आकाश चौरे, सौरभ आघाव यांच्या विरोधात गुन्ह्याची नोंद करण्यात आली आहे.
अजित पवार गटाच्या नेत्या रुपाली ठोंबरे यांनी सोशल मीडियावर जितेंद्र आव्हाड आणि त्यांच्या कार्यकर्त्याच्या चॅटचा एक कथित स्क्रीनशॉट शेअर केला आहे. यामध्ये जितेंद्र आव्हाड बीडमधील मोर्चासाठी आपल्या शिवराज नावाच्या कार्यकर्त्याला उद्याचा मसाला रेडी ठेव. मुंडे आणि वाल्मिक कराड विरोधात जे जे असेल ते सर्व गोळा करण्याचे सांगत असल्याचे दिसत आहे.
तर जितेंद्र आव्हाड यांनीही या स्क्रीनशॉट विरोधात आपली भूमिका मांडली आहे. माझ्या आजच्या बीड मधील भाषणाने धनंजय मुंडेचे कार्यकर्ते फार बिथरले, त्यांना सत्य पचेना म्हणून माझ्या नावाचे फेक स्क्रीनशॉट बनवले आहेत, असा आरोप जितेंद्र आव्हाड यांनी केला. हा स्क्रीनशॉट कोणी बनवला, त्याची पाळेमुळे शोधून काढा, अशी माझी सायबर पोलिसांकडे तक्रार असल्याचे आव्हाड म्हणाले.
धनंजय मुंडेंना मंत्रिमंडळातून पहिले हाकला. बीडच्या राजकारणाला कधी जातीचा स्पर्श नव्हता. बीडच्या पोलिसांनी आणि पालकमंत्र्यांनी जिल्ह्याचे वाटोळे केले, असा आरोप राष्ट्रवादी शरद पवार गटाचे नेते जितेंद्र आव्हाड यांनी केला.
वाल्मीक कराडचा वाल्या झाल्या आहे. वंजारी समाजाच्या अनेक नेत्यांची हत्या झाली. जिल्हाधिकारी पालकमंत्र्यांच्या पुढे काय बोलू शकणार होते. जर अशोक सोनवणे यांची तक्रार घेत गुन्हा दाखल केला असता तर संतोष देशमुख यांची हत्या झाली नसती, असेही आव्हाड म्हणाले.
रंजन मुखर्जी सारखा कलेक्टर गायब झाला आणि त्यांची महाराष्ट्रात काहीच चर्चा होत नाही, हे किती अवघड आहे. मंत्रिमंडळात राहुन जर धनंजय मुंडे डोळे दाखवतील आणि चौकशी संपेल. केल्यासारखे करुन चौकशी करायची नाही, त्यापेक्षा चौकशी करुच नका असे त्यांनी म्हटले आहे.
