पुणे: पुण्यात विधान परिषदेचे आमदार योगेश टिळेकर यांचे मामा सतिश वाघ यांची अपहरण करून निर्घृण हत्या करण्यात आलीय. या हत्येच्या घटनेनंतर पुणे शहरासह संपूर्ण राज्यात एकच खळबळ उडाली.सोमवारी सकाळी सतिश वाघ यांचं अपहरण करण्यात आलं होतं. सतीश वाघ हत्या प्रकरणात सतीश वाघ यांच्या पत्नीनेच सुपारी दिली होती . पत्नीला गुन्हे शाखेने काल अटक केली. आज लष्कर कोर्टाने या महिलेसह सर्व आरोपींना ३० डिसेंबर पर्यंत पोलीस कोठडी सुनावली आहे.
पोलिसांनी सांगितले कि,’हडपसर पोलीस स्टेशन गुन्हा रजिस्टर नंबर 1848/2024 भारतीय न्याय संहिता सन 2023 चे कलम 103(1) ,140(1), 140 (2) ,140 (3) ,142 ,61 (2) ,238 (ब) 3(5) अन्वये दाखल पुण्यातील आरोपी नामे 1). पवन श्याम सुंदर शर्मा, वय 30 वर्ष 2). नवनाथ अर्जुन गुरसाळे वय 31 वर्ष3). विकास उर्फ विकी सिताराम शिंदे वय 28 वर्ष 4). अक्षय उर्फ सोन्या हरीश जावळकर वय 29 वर्ष, सदर आरोपीस प्रोडक्शन वॉरंट ने ताब्यात घेऊन मा.न्यायालयात हजर केले असता मा. न्यायालयानी सदर आरोपींना दिनांक 30/12/2024 पर्यंत पोलीस कोठडी दिली आहे.
तसेचमहिला आरोपी नामे मोहिनी सतीश वाघ वय 48 वर्षे यांना आज रोजी न्यायालयात हजर केले असता न्यायालयाने सदर महिला आरोपीस दिनांक 30 /12 /2024 पर्यंत पोलीस कस्टडी दिली आहे.तसेच आरोपी नामे अतिश संतोष जाधव वय 20 वर्षे याला यापूर्वीच अटक करण्यात आलेले आहे.या दाखल गुन्ह्यात आतापर्यंत एकूण सहा आरोपी अटक करण्यात आलेले आहे
