मुंबई-वसई येथील वाळीव भागात बुधवारी सकाळी दुर्दैवी घटना घडली होती. एका सहा वर्षाच्या लहान मुलाच्या छातीवरून वाहन चालवून आरोपी फरार झाला होता. त्याला आता वाळीव पोलिसांनी अटक केली आहे. कफील अहमद असे या चालकाचे नाव असून तो गोरेगाव पूर्व येथील रहिवासी आहे. या आपघाताचे दृश्य सीसीटीव्हीमध्ये देखील कैद झाले होते.बुधवारी सकाळी 10.21 च्या सुमारास ही घटना घडली होती. वसई पूर्वच्या शिव भीम नगर, नाईकपाडा येथे एमच 01 ईएम 3245 नंबरची ओला टॅक्सी बूक करण्यात आली होती. गाडी प्रवासी घेण्यासाठी आली तेव्हा समोरच सहा वर्षांचा राघवकुमार उर्फ छोटू गाडीच्या समोर खेळत होता. त्यानंतर चालकाने मुलाला न पाहताच गाडी थेट पुढे नेली. यात गाडी मुलाच्या छातीवरून गेली. मुलाची प्रकृती सध्या गंभीर असल्याचे समजते.
गाडी जेव्हा प्रवाशांना घेण्यासाठी आली तेव्हा राघवकुमार तिथल्या मोकळ्या जागेत मातीत खेळत होता. यावेळी वाहनचालकाचे ससमोर लक्ष नव्हते. त्याने सरळ त्याची गाडी त्या चिमुकल्या मुलाच्या अंगावरून घातली. यात गाडी थेट छातीवरून गेली. घडलेला प्रकार लक्षात येताच मदत करण्याच्या ऐवजी चालकाने तिथून पळ काढला. यावेळी स्थानिकांनी त्याला पकडण्याचा प्रयत्न केला मात्र प्रयत्न निष्फळ ठरले.
हा प्रकार घडल्याचे समजताच चालक घटनास्थळावरून फरार होत असताना स्थानिकांनी त्याला अडवण्याचा प्रयत्न केला. मात्र चालकाने कोणाचेही ऐकले नाही. ओला बुक करणाऱ्या प्रवाशालाही संपर्क साधण्यात आला, परंतु त्याने कार चालकासोबत येण्याचे सांगत मोबाईल स्विच ऑफ केला. त्यानंतर वाळीव पोलिसांनी तत्परता दाखवत सीसीटीव्ही फुटेजच्या आधारे वाहनचालक आरोपी काफील अहमदला अटक केली. दरम्यान, राघवकुमारच्या हाताला, डोक्याला आणि छातीला गंभीर दुखापत झाली असून त्याच्यावर वालवादेवी रुग्णालयात उपचार सुरू आहेत.
