मुंबई-मुख्यमंत्री देवेंद्र फडणवीस यांनी मंत्रिमंडळाचे खातेवाटप होताच मंत्र्यांना मंत्रालयातील दालने तसेच निवासासाठी बंगले, फ्लॅट्सचे वाटप केले. काही मंत्र्यांनी मलबार हिल या मुंबईतील महत्त्वाच्या भागातील आलिशान बंगले लाटण्यासाठी अधिकाऱ्यांवर दबाव टाकणे सुरू केले आहे.मंत्र्यांना दालन, बंगल्यांचे वाटप सामान्य प्रशासन विभागाने करून आदेश काढले असले तरी, त्या खात्याचे मंत्री मुख्यमंत्री देवेंद्र फडणवीस आहेत. त्यामुळे दालन, बंगल्यांच्या वाटपाची अंतिम यादी फडणवीस यांच्याकडूनच मंजूर झाली. त्यामुळे मंत्री छुपेपणाने बंगले, दालनांना विरोध करत आहेत. पक्ष कार्यालयासाठी ३ आणि अतिरिक्त २ अशा एकूण ५ बंगल्यांचा वापर होत असल्याने ३१ बंगल्यांमध्ये ३३ कॅबिनेट मंत्र्यांसह ६ राज्यमंत्र्यांना निवासाची सोय करण्याची तारेवरची कसरत सामान्य प्रशासन विभागाकडून केली जात आहे.
भाजपचे प्रदेशाध्यक्ष तथा महसूलमंत्री चंद्रशेखर बावनकुळे यांना आधी रामटेक देण्यात आला होता. रामटेक बंगल्याचा पूर्वेतिहास लक्षात घेऊन त्यांनी मला रामटेक नको, असे बजावले. त्यानंतर अधिकाऱ्यांनी धावपळ करत त्यांना चित्रकूट बंगला दिला. आता त्याच चित्रकूटसाठी नितेश राणे आग्रही असल्याचे सूत्रांकडून सांगण्यात आलेे. हा बंगला कधीकाळी त्यांचे वडील नारायण राणे यांना मिळाला होता. त्यामुळे जुन्या आठवणींमुळे राणेंकडून हा बंगला मिळण्यासाठी जोर लावलेला दिसून येत आहे. याच दरम्यान, बावनकुळे यांनी नाकारलेला रामटेक बंगला पंकजा मुंडे यांनी घेतला. त्यांचे वडिल गोपीनाथ मुंडे १९९५ च्या युती सरकारमध्ये उपमुख्यमंत्री असताना याच बंगल्यात राहत होते. त्यामुळे पंकजांनी रामटेक बंगला ताब्यात घेतला आहे.मलबार हिलवरील सर्वात प्रशस्त आणि सी-फेसिंग व्ह्यू असलेल्या रामटेक बंगल्यात राहणारे मंत्री नेहमी वादाच्या भोवऱ्यात सापडतात, असे म्हटले जाते. त्यामुळे या आधी काही मंत्र्यांनी वास्तुशास्त्रात दोष असल्याचे कारण दाखवून रामटेकला नाकारले होते. आताही बावनकुळेंनी पंकजा मुंडेंशी बोलून बंगल्यांची अदलाबदल केली. तसे शासन आदेशही काढण्यात आले. पंकजांनी वडिलांची आठवण म्हणून रामटेक बंगला स्वीकारला आहे.
काही माध्यमांच्या माहितीनुसार , वन मंत्री गणेश नाईक यांना ब -४ पवनगड, राज्यमंत्री योगेश कदमांना सुनीती १०, आरोग्यमंत्री प्रकाश आबिटकरांना सुरुची १५ तर अन्न औषदी प्रशासन मंत्री नरहरी झिरवाळ यांना सुरुची ०९ निवासस्थान देण्यात आलेे. त्यांंनी चांगल्या बंगल्यांसाठी थेट सामान्य प्रशासन विभागाच्या ज्येष्ठ अधिकाऱ्यांना फोन करून दबाव टाकला आहे. मंत्र्यांसाठी सध्या एकूण ३६ बंगले आहेत. त्यापैकी ३ बंगले राष्ट्रवादी अजित पवार, एकनाथ शिंदे शिवसेना तर उद्धवसेना पक्ष कार्यालयासाठी देण्यात आले आहेत, अशी माहिती अधिकाऱ्यांनी दिली.
रामटेक बंगला लाभला तो फक्त शरद पवारांना …
शरद पवार : १९७८ मध्ये वसंतदादा मुख्यमंत्री असताना शरद पवारांनी रामटेक बंगल्यात बसून वसंतदादांचे सरकार पाडले होते. नंतर ते मुख्यमंत्री झाले.
सन 1995 ला रामटेकमध्ये विलासराव देशमुख वास्तव्यास असतानाच त्यांचा मोठा पराभव झाला.
गोपीनाथ मुंडे : १९९५ मध्ये उपमुख्यमंत्री गोपीनाथ मुंडे रामटेकमध्ये राहत असताना त्यांच्यावर एका नर्तिकेशी जवळचे संबंध असल्याचा आरोप झाला. हा आरोप ४ वर्षे मुंडेंचा पिच्छा सोडू शकला नाही. अखेर १९९९ मध्ये मुंडे सत्तेबाहेर गेले.
छगन भुजबळ : १९९९ मध्ये आघाडी सरकारच्या काळात उपमुख्यमंत्री आणि त्यासोबतच गृह, पर्यटनमंत्र्यांचा भार असलेल्या छगन भुजबळांवर २००३ च्या दरम्यान तेलगी घोटाळ्याचा आरोप झाल्याने त्यांना राजीनामा द्यावा लागला.
एकनाथ खडसे : २०१४ मध्ये एकनाथ खडसे महसूलमंत्री असताना त्यांच्यावर भ्रष्टाचाराचे आरोप लावण्यात आले. त्यामुळे त्यांना मंत्रिपदासह रामटेक बंगलासुद्धा गमवावा लागला.
दालनांचे वाटप –
देवेंद्र सरिता गंगाधरराव फडणवीस. मुख्यमंत्री – मंत्रालय मुख्य इमारत, ६ वा मजला (पश्चिम बाजू)
एकनाथ गंगुबाई संभाजी शिंदे, उप मुख्यमंत्री – मंत्रालय मुख्य इमारत, ६ वा मजला (उत्तर-पूर्व बाजू), ६वा मजला, पूर्व बाजू (उप मुख्यमंत्री दालन, सभागृह, कार्यालय मुख्य सचिव कार्यालयाकडे जाताना डाव्या बाजूला), ६वा मजला, मुख्य सचिव कार्यालयाकडे जाताना दरवाज्याच्या उजव्या बाजुचे दालन (अगोदरचे प्रतिक्षालय), ६वा मजला पूर्व बाजू ब्रीजवरील पॅसेज (टपाल कक्ष), ७ वा मजला, दालन क्र.७१७ मधील वैद्यकीय सहाय्यता निधी कक्षाच्या बाजूचा जनसंपर्क कक्ष/कार्यक्रम कक्ष
अजित आशाताई अनंतराव पवार, उप मुख्यमंत्री – मंत्रालय मुख्य इमारत, ६ वा मजला (उत्तर बाजू). ७ वा मजला (पूर्व बाजू)- दालन क्र.७१७ मधील निधी कक्षाच्या दालनातून आतमध्ये प्रवेश केल्यानंतर येणारा कक्ष, दालन क्र.७२२,७२३. ५वा मजला, दालन क्र. ५०३ (उत्तर बाजू)
चंद्रशेखर प्रभावती कृष्णराव बावनकुळे – दालन क्र. १०१, १०१ (अ), १०१ (व), १०४ ते १०८ १ ला मजला, मंत्रालय विस्तार इमारत
गिरीश गोता दत्तात्रय महाजन – दालन क्र. ६०५, ६०७ व ६०९ ६ वा मजला, मंत्रालय विस्तार इमारत
गणेश सुभद्रा रामचंद्र नाईक – दालन क्र. ५३६, ५३८,५४० ५ वा मजला, मंत्रालय विस्तार इमारत
गुलाबराव रेवाबाई रघुनाथ पाटील दालन क्र. ४०२, (मध्य बाजू), ४ था मजला, मंत्रालय मुख्य इमारत
दादाजी रेश्माबाई दगडू भुसे दालन क्र. ७००, ७०१ ७ वा मजला, मंत्रालय विस्तार इमारत
संजय प्रमीला दुलिचंद राठोड दालन क्र. १०२ (मध्य बाजू) १ला मजला, मंत्रालय मुख्य इमारत
धनंजय रुक्मिणी पंडितराव मुंडे दालन क्र. २०१, २०२, २०४, २१२ २ रा मजला, मंत्रालय विस्तार इमारत
मंगलप्रभात प्रेमकंवर गुमनमल लोढा दालन क्र. २०२, (मध्य बाजू) २ रा मजला, मंत्रालय मुख्य इमारत
उदय स्वरुपा रवींद्र सामंत दालन क्र. १०१ (दक्षिण बाजू) १ला मजला, मंत्रालय मुख्य इमारत
जयकुमार नयनकुवर जितेंद्रसिंह रावल दालन क्र. ४०७, ४था मजला, मंत्रालय विस्तार इमारत
पंकजा प्रज्ञा गोपीनाथ मुंडे दालन क्र. ४०३ (उत्तर बाजू) ४था मजला, मंत्रालय मुख्य इमारत
अतुल लिलावती मोरेश्वर सावे दालन क्र. ५०१ (दक्षिण बाजू) ५वा मजला, मंत्रालय मुख्य इमारत
अशोक जनाबाई रामाजी उईके दालन क्र. ५०२ (मध्य बाजू) ५वा मजला, मंत्रालय मुख्य इमारत
शंभूराज विजयादेवी शिवाजीराव देसाई दालन क्र. ३०२ (मध्य बाजू) ३रा मजला, मंत्रालय मुख्य इमारत
आशिष मिनल बाबाजी शेलार दालन क्र. ४०१ (दक्षिण बाजू) ४था मजला, मंत्रालय मुख्य इमारत
दत्तात्रय गिरीजाबाई विठोबा भरणे दालन क्र. ३०१ (मध्य बाजू) ३रा मजला, मंत्रालय मुख्य इमारत
आदिती वरदा सुनिल तटकरे दालन क्र. १०३ (उत्तर बाजू) १ला मजला, मंत्रालय मुख्य इमारत
शिवेंद्रसिंह अरुणाराजे अभयसिंहराजे भोसले दालन क्र. ६०१, ६०२, ६०४ ६वा मजला, मंत्रालय विस्तार इमारत
माणिकराव सरस्वती शिवाजी कोकाटे दालन क्र. २०३ (उत्तर बाजू) २रा मजला, मंत्रालय मुख्य इमारत
जयकुमार कमल भगवानराव गोरे पोटमाळा (१), मंत्रालय मुख्य इमारत
नरहरी सावित्रीबाई सिताराम झिरवाळ दालन क्र. २०१ (दक्षिण बाजू) २ रा मजला, मंत्रालय मुख्य इमारत
संजय सुशिला वामन सावकारे दालन क्र. ३०३ (उत्तर बाजू) ३ रा मजला, मंत्रालय मुख्य इमारत
संजय शंकुतला पांडूरंग शिरसाट दालन क्र. ७०३, ७०४, ७०४ (अ), ७१० ७ वा मजला, मंत्रालय विस्तार इमारत
भरत विठाबाई मारुती गोगावले दालन क्र. ३१४, ३१६, ३१८ ३ रा मजला, मंत्रालय विस्तार इमारत
मकरंद सुमन लक्ष्मणराव जाधव (पाटील) दालन क्र. ३३६, ३३८ ३ रा मजला, मंत्रालय विस्तार इमारत
नितेश निलम नारायण राणे पोटमाळा (२), मंत्रालय मुख्य इमारत
बाबासाहेब शांताबाई मोहनराव पाटील – दालन क्र. ५०१, ५०२ ५वा मजला, मंत्रालय विस्तार इमारत
प्रकाश सुशिला आनंदराव आबिटकर – दालन क्र. २२७ (मुख्य व विस्तार इमारतीसजोडणारा ब्रिज), २३१ २ रा मजला, मंत्रालय विस्तार इमारत
राज्यमंत्री-
आशिष उमादेवी नंदकिशोर जयस्वाल – दालन क्र. ६२६ ते ६२८ (मुख्य व विस्तार इमारतीस जोडणारा ब्रिज), ६वा मजला, मंत्रालय विस्तार इमारत
माधुरी मीरा सतिश मिसाळ दालन क्र. १३८ व १४० १ ला मजला, मंत्रालय विस्तार इमारत
डॉ. पंकज कांचन राजेश भोयर दालन क्र. २३७ व २४१ २ रा मजला, मंत्रालय विस्तार इमारत
मेघना दिपक साकोरे-बोडीकर – विधान भवन दालन क्र. १२५ व १३०, ए व सी, तात्पुरती व्यवस्था
इंद्रनिल अनिता मनोहर नाईक – विधान भवन दालन क्र. १२३ व १२४, तात्पुरती व्यवस्था
योगेश ज्योती रामदास कदम – विधान भवन दालन क्र. ११७ व १२२, तात्पुरती व्यवस्था
