३ इडियट्स ह्या चित्रपटात रॅंचो, फरहान आणि राजू या इंजिनियरिंगच्या तीन विद्यार्थ्यांची गोष्ट होती. इंजिनियरिंगचे शिक्षण घेत असताना शैक्षणिक उत्कृष्टता साध्य करण्यासाठी त्यांच्या मनावर सतत असलेला तणाव, समाजाच्या, कुटुंबाच्या त्यांच्याकडून असलेल्या अपेक्षा यांचे अत्यंत प्रभावी चित्रण या चित्रपटात बघायला मिळाले होते. २५ डिसेंबर २०२४ रोजी हा चित्रपट प्रदर्शित होऊन १५ वर्षे पूर्ण होत आहेत. हा सोहळा साजरा करण्यासाठी सोनी मॅक्सवर हा चित्रपट आणि त्यातील कलाकारांचे शॉट प्रसारित करण्यात येणार आहेत. चला, या चित्रपटाच्या आठवणींची एक सैर करू या आणि हा चित्रपट तयार होत असतानाच्या गंमतीजमती पुन्हा शेअर करू या.
पात्रांसाठी योग्य अभिनेत्यांची निवड!
राजकुमार हिरानी यांनी जेव्हा आमीर खानला पाहिले, तेव्हा ‘गजनी’ चित्रपटातला तो पिळदार शरीराचा आमीर होता. त्यांच्या कल्पनेत जो एक इडियट होता, तसा अमीर दिसू शकेल का याबाबत हिरानी साशंक होते. ते म्हणतात, “मला एक बारकासा, मोठ्या डोळ्यांचा मुलगा हवा होता, जो थोडा खुळचट असेल आणि स्वतःच्या स्वतंत्र विचाराने वागणारा असेल!” हिरानी यांना विश्वास होता की, आमीर या पात्रासाठी अनुरूप ते बदल स्वतःच्या शरीरयष्टीत करण्यास समर्थ आहे. या चित्रपटात आमीरने रॅंचोची भूमिका केली होती, ज्याचे वय आमीरच्या वयाच्या अर्ध्याहूनही कमी होते. त्यामुळे त्याला तरुण दाखवणे हे सगळ्यात मोठे आव्हान होते. आमीरने जिममध्ये जाणे थांबवले आणि असा आहार तो घेऊ लागला, ज्याच्यामुळे मसल्स कमी होतील.
ती व्यक्तिरेखा अस्सल दिसावी यासाठी आमीरला त्यावर खूप काम करावे लागले. तो म्हणतो, “मला वाटले की, त्याचे कपडे विकत घेण्याऐवजी ते कुणाकडून तरी घ्यावेत. जुने कपडे सहजपणे पोक्त दिसतात.” तो पुढे म्हणतो, “रॅंचोच्या भूमिकेत मी जे कपडे घातले ते मोठ्या मापाचे होते, आणि त्याने माझे काम साधले. माझ्या जीन्स ३-४ साईझ मोठ्या होत्या. टी-शर्ट देखील अगदी ढगळ होते. मी विशिष्ट प्रकारे उभे राहण्याची लकब घेतली होती, ज्यामुळे मी थोडा लहान दिसायचो. मी लहान आणि पोरगेलासा दिसू लागलो. त्यामुळे शेवटी योग्य त्या वयाचा मी दिसू शकलो.”
तोहफा कबूल करो!
आर. माधवन म्हणजे फरहानने सांगितले की, पहिल्या दिवसाचे शूटिंग बंगळूरात होते आणि तेही मुलींच्या वसती गृहात. जे दृश्य शूट व्हायचे होते, ते म्हणजे, तो प्रसिद्ध संवाद ‘जहापनाह तुस्सी ग्रेट हो, तोहफा कबूल करो!” या दृश्यात अभिनेत्यांना आपल्या पॅन्ट खाली उतरवायच्या होत्या आणि सगळ्यांसमोर अंडरवेअरमध्ये यायचे होते! माधवन म्हणतो, “म्हणजे, तुम्ही हीरोसारखे वावरता, सगळ्यांना स्वाक्षरी देता आणि दुसऱ्याच क्षणी ते सगळे काही अगदी पार बदलून जाते. जेव्हा शॉट तयार झाला, तेव्हा आम्ही सगळे पॅन्ट काढण्यास कसेबसे तयार होतो! हा सीन बघायला खूप रोचक असला तरी आम्ही मात्र तो करताना खूप अवघडलो होतो.”
खोडकर आमीर खान
करीना कपूरला जेव्हा विचारण्यात आले की तिला स्कूटर चालवता येते का, तेव्हा ती उडालीच! ती तर आमीर खानच्या मागे स्कूटरवर बसायला देखील घाबरत होती. त्या दृश्याची आठवण काढत करीना म्हणते, “माझ्या बाबतीत दोनदा असे झाले आहे की, मी एका अभिनेत्याच्या मागे बाइकवर बसले आणि पडले! त्यामुळे यावेळी हॅट्रिक होणार अशीच भीती माझ्या मनात होती.” बेबोची ही भीती मुख्यतः तिच्या भूतकाळातल्या अनुभवांमुळे असली, तरी आमीरनेही त्यात भर घातली होती. आमीर खान म्हणतो, “करीनाला असे सांगण्यात आले होते की, मला स्कूटर चालवता येत नाही. त्यामुळे जेव्हा ती माझ्या मागे बसायची, तेव्हा तिला वाटायचे की ही आपली शेवटची राइड असणार” आमीर खान हसत हसत पुढे सांगतो, “मी तिला सांगितले की मला स्कूटर चालवता येत नाही. जेव्हा जेव्हा मी स्कूटर चालवतो, तेव्हा पडतोच! त्यामुळे माझ्यामागे स्कूटरवर बसायला ती भलतीच घाबरायची!”
हा चित्रपट पुन्हा एकदा हसू, आसू आणि एक सुंदर, मौलिक संदेश, मैत्रीचे नाते, आपल्या पॅशनचा पाठपुरावा करण्याचा आग्रह घेऊन छोट्या पडद्यावर येत आहे.
‘३ इडियट्स’ची जादू अनुभवण्यासाठी आणि या कालजयी मास्टरपीसच्या १५ वर्षांचा प्रवास साजरा करण्यासाठी बघा, सोनी मॅक्स, २५ डिसेंबर रोजी
