पुणे: नागपूर हिवाळी अधिवेशनाच्या पाचव्या दिवशी, वडगावशेरी मतदारसंघाचे आमदार बापूसाहेब पठारे यांनी पॉइंट ऑफ इन्फॉर्मेशनच्या माध्यमातून ताम्हिणी घाटात वडगावशेरी मतदारसंघातील एक कुटुंब व त्यांचे नातेवाईक लग्नासाठी जात असताना त्यांच्या खाजगी बसचा अपघात होऊन अपघातात ६ व्यक्ती मृत पावल्या असून २७ जण जखमी झाल्याचे सभागृहाच्या निदर्शनास आणून दिले. अपघातातील मृतांच्या वारसांना आर्थिक मदत मिळावी व जखमी वर मोफत उपचार व्हावेत अशी मागणी विधानसभा अध्यक्ष यांच्या मार्फत सरकारकडे केली. अध्यक्ष यांनी ताबडतोब सरकारला तातडीने मदत करण्याचे निर्देश दिले. त्यामुळे मुख्यमंत्री देवेंद्र फडणवीस यांनी मृतांच्या वारसांना ५ लाख रुपये आर्थिक मदत राज्य सरकारतर्फे देण्यात येईल, असे जाहीर केले
आमदार बापूसाहेब पठारे यांनी या अपघातात प्राण गमावलेल्या नागरिक बांधवांना भावपूर्ण श्रद्धांजली वाहिली. अपघातात ६ प्रवाशांचा दुर्दैवी मृत्यू झाला असून, २७ जण जखमी झाले आहेत. जखमी झालेल्या नगरिंकावर उपचार सुरू आहेत अशी माहिती दिली.
ताम्हिणी घाट बस दुर्घटनेतील मृतांच्या वारसांना आर्थिक मदत जाहीर; आमदार बापूसाहेब पठारे यांची मागणी राज्य सरकारकडून पूर्ण
Date:

