नागपूर- काल गायब झालेले अजित पवार आज नागपूर विधानभवनाच्या आवारात आले. आज अजित पवार विधिमंडळाच्या कामकाजात सहभागी होण्यासाठी निघाले आहेत.काल तब्बेत बरी नसल्याने ते नॉट रिचेबल झाल्याचे आज सांगण्यात येत होते .त्यामुळे आज अजित पवार यांची भेट घेण्यासाठी मोठी गर्दी झाली आहे. आज त्यांनी असंख्य कार्यकर्त्यांची भेट घेतली.याप्रसंगी नवनिर्वाचित मंत्री हसन मुश्रीफ, कु. अदिती तटकरे, आ. शेखर निकम, आ. राजकुमार बडोले आणि इतर पदाधिकारी सहकाऱ्यांशी विविध विषयांवर चर्चा त्यांनी केली.
अजित पवार यांची प्रकृती खराब असल्यामुळे ते कोणालाही भेटले नसल्याचे प्रदेशाध्यक्ष सुनील तटकरे यांनी सांगितले आहे. आज सकाळी मंत्री आदिती तटकरे यांनी अजित पवार यांची निवासस्थानी भेट घेतली. या भेटीनंतर आदिती तटकरे यांनी त्यांची सदिच्छा भेट घेतली असल्याचे सांगितले आहे. यावेळी आदिती तटकरे माध्यमंशी बोलताना म्हणाल्या की, ‘अजित पवार हे नॉट रिचेबल नव्हते. त्यांची आणि आमची सदिच्छा भेट झाली आहे. पुढील कामासाठी आम्ही त्यांच्या शुभेच्छा घेतल्या.’ असे देखील त्यांनी सांगितले.
