लाडकी बहीण योजनेच्या वाढीव हप्त्याचा निर्णय अर्थसंकल्पीय अधिवेशना-, मंत्री अदिती तटकरे यांची माहिती
नागपूर – २१०० रूपये वाढीव हप्ता देण्याचा निर्णय मार्चमध्ये अर्थसंकल्पीय अधिवेशनात घेण्यात येईल. हा निर्णय आता रँडमली एकदम करू शकत नाही. डिसेंबरचा हप्ता कधी द्यायचा याची माहिती मंत्रिमंडळ बैठकीत ठरेल अशी माहिती माजी महिला व बालकल्याण मंत्री अदिती तटकरे यांनी दिली.
ऑक्टोबर आणि नाेव्हेंबरचे दोन हप्ते ९ ऑक्टोबरला दिले. त्या नंतर आचारसंहीता लागल्यामुळे हप्ते जमा झाले नाही. या शिवाय आधार जोडणी विभाग स्तरावर सुरू होती. सप्टेंबरमध्ये शेवटी शेवटी नव्याने अर्ज करणाऱ्यांच्या अर्जाची छाननी अजून सुरू आहे. एकट्या पुणे जिल्ह्यात २० लाख लाभार्थी असल्याचे तटकरे यांनी सांगितले. गेल्यावेळी जुलै आणि ऑगस्टचे पैसे एकावेळी जमा केले होते. नंतर सप्टेंबर, ऑक्टोबर आणि नोव्हेंबरचे हप्ते एकावेळी जमा केले. आता डिसेंबरचा हप्ता कधी जमा करायचा याचा निर्णय मंत्रिमंडळ बैठकीत घेण्यात येईल असे त्या म्हणाल्या.
अर्ज करण्याची मुदत संपल्यानंतरचा आकडा २ कोटी ३४ लाख होता. तो आता २ कोटी ४७ लाखांपर्यत गेला. या बाबतीत जे काही कमी जास्त ३४ ते ४७ लाखाच्या फारकत होईल असे त्या म्हणाल्या. मूळ टारगेटही साधारणत अडीच कोटींचे होते. यापुढचे कोणतेही निर्णय मंत्रिमंडळात होतील. नोंदणी करताना सगळ्यांची नोंदणी झाली. अनेक महिलांनी आधार जोडणी नसतांनाही लाडकी बहिण योजनेसाठी नोंदणी केली आहे. त्यामुळे नोंदणीत लाभार्थी पात्र ठरली आहे. मात्र छाननीनंतर आधार जोडणी नसल्यास अर्ज रद्द होईल असे त्या म्हणाल्या.
