पुणे-समाजात वंचित मुलांना सुजाण नागरिक घडवण्यासाठी पुण्यातील कोथरूड येथी महेश बाल भवनने अनोखा उपक्रम राबवला आहे . आपल्यापेक्षा खालच्या वर्गाला कसे पुढे घेऊन जायचे आणि त्यांचा विकास कसा साधायचा या हेतूने छोटासा वस्तुपाठ मुलांना मिळावा म्हणून एका कार्यक्रमाचे आयोजन करण्यात आले होते.
समाजात वावरताना आणि आपल्या आयुष्याची जडण घडण होत असताना उच्य मध्यमवर्गीय मुलं याना मिळणाऱ्या चांगल्या सुविधा यातून होणार त्यांचा विकास हा उद्देश ठेवून सामाजितल गरीब ,वंचित , अडचणीत असणाऱ्या मुलांना जीवनाचा आनंद लुटता यावा म्हणून बाल दिनाच्या निमित्ताने महेश बाल भवन ने उच्य मध्यमवर्गीय लहान मुलामध्ये विज्ञान प्रयोग खेळ आणि संस्कार या माध्यमातून हा अनोखा बाल मेळावा उपक्रम राबवला आहे .
या उपक्रमात बालसाहित्यकार राजीव तांबे ,बालकर्मी माधुरी सहस्रबुद्धे ,प्रीती लाठी ,अरुण भराडिया ,संदीप सारडा तसेच महेश बाल भवन च्या संचालिका सुरेखा करवा , उपसंचालिका संगीत पिंपळीकर ,आणि इतर महिला प्राध्यापक वर्ग उपस्थित होता .
यामध्ये पुणे शहरातील ९ वेगवेगळी बालभवन आणि ९ वंचित विकास संस्थांनी एकत्र येऊन या मेळाव्याचे आयोजन केले होते . यामध्ये मुलांनी मुक्त खेळ ,चित्रकला ,हस्तकला ,प्रेरणा दायक चित्रपट ,गाणी ,नृत्य या द्वारे मनसोक्त आनंद लुटला .
