पुणे- पुण्यात ब्रँडेड कंपनीचे नाव वापरून बनावट कपडे विक्रीला उत आला असून पुणे पोलिसांनी टाकलेल्या तिसऱ्या छाप्यात सुमारे साडे पस्तीस लाखाचे ब्रँडेड कंपनीचे बनावट लोगो असलेले बोगस कपडे जप्त करून तिघांवर गुन्हा दाखल करण्यात आला आहे. पुणे पोलीस तक्रारदाराने केलेल्या ठराविक भागातच छापे मारत असल्याचा आरोप आता होत आहे दरम्यान अशा पद्धतीच्या व्यापाराचा पुण्यात सर्वत्र सुळसुळाट झाला असून ग्राहकांची खुलेआम फसवणूक करून कोट्यावधींची फसवणूक केली जात आहे . या प्रकरणी संबधित व्यापाराबद्दल केंद्रीय ग्राहक हक्क समितीने लक्ष घालून पुण्यातील व्यापाऱ्यांची बैठक आयोजित करावी अशी मागणी आता होऊ लागली आहे ,संगनमत होऊ नये संगनमता साठी निव्वळ पोलिसांचा वापर त्यासाठी होऊ नये याचीही दक्षता घेतली गेली पाहिजे असेही ग्राहक चळवळीतील मान्यवरांचे मत आहे .
दरम्यान आज कोरेगाव पार्क भागातून ब्रेन्डेड कंपनीचे बनावट कपडे व इतर वस्तू विक्री करणा-या दुकानांवर छापा एकुण ३५,३१,०५१/- रु.कि.चा. मुददेमाल पोलिसांनी जप्त केला आहे . या प्रकरणी पोलिसांनी सांगितले कि,’पुणे शहरात वेगवेळ्या ठिकाणी ब्रेन्डेड कंपनीचा बनावट मालाची विक्री होत असलेबाबत माहित्ती मिळाली होती. त्या अनुषंगान कारवाई करणेकामी पोलीस उप आयुक्त गुन्हे निखिल पिंगळे यांचे मार्गदर्शनाप्रमाणे गुन्हे शाखा युनिट २ प्रभारी प्रताप मानकर, यांचे पथकातील पोलीस अधिकारी व अंमलदार तसेच कंपनीचे अधिकृत प्रतीनिधी मार्फत पुणे शहरात शोध मोहिम चालू असताना प्राप्त माहितीनुसार, कोरेगाव पार्क भागातील नार्थ रोडवरील इनक्लॉथ स्टोअर्स व कोरेगाव पार्क मधील मेन रोडवरील डिनोव्हो क्लॉथ स्टोअर्स मध्ये LACOSTE, UNDERARMOUR, POLO, GANT या ब्रँडेड कंपनीचे रजिस्ट्रेशन असलेले वरील कंपनीचे बनावट लेबल व लोगोचा वापर करुन हुबेहुब दिसणारे बनावट कपडे व इतर वस्तू विक्री चालू होती.
त्याप्रमाणे सदर माहितीची खात्री करुन दिनांक ०४/१२/२०२४ रोजी गुन्हे शाखा युनिट २ कडील पथकाने कोरेगाव पार्क भागातील १) नार्थ रोडवरील इनक्लॉथ स्टोअर्स व २) डिनोव्हो क्लॉथ स्टोअर्स मध्ये छापा कारवाई केली असता सदर दोन्ही शॉपमधुन वरील प्रमाणे एकुण ३५,३१,०५१ रु. LACOSTE, UNDERARMOUR, POLO, GANT NIKE या ब्रेडेड लोगो वापरुन दुकानाचे मालक १) मोनिश लिलाराम अकतराय वय २३ वर्ष रा.२०२० अशोका बिल्डिंग ग्रीन व्हॅली वानवडी पुणे २) सोनू राम लोकनादन वय २६ रा.लेन नंबर ४ अजिंक्य तारा सोसायटी कवडेनगर नवी सांगवी व ३) एक महिला यांच्यावर कारवाई केली असून, त्याबाबत कोरेगाव पार्क पोलीस स्टेशन येथे गुन्हा रजि. क्रमांक १७९/२०२४ कॉपीराईट अॅक्ट १९५७ चे कलम ६३,६५ अन्वये गुन्हा दाखल करण्यात आला आहे.
सदरची कामगिरी अपर पोलीस आयुक्त शैलेश बलकवडे, पोलीस उप आयुक्त गुन्हे निखिल पिंगळे, सहायक पोलीस आयुक्त गुन्हे १ श्री गणेश इंगळे यांचे मागदर्शनाखाली गुन्हे शाखा युनिट २ प्रभारी पोलीस निरीक्षक प्रताप मानकर, सहायक पोलीस निरीक्षक अमोल रसाळ, पोलीस उप निरीक्षक नितिन कांबळे, पोलीस अंमलदार शंकर नेवसे, अमोल सरडे, ओमकार कुंभार, संजय आबनावे, गणेश थोरात, हनुमंत कांबळे, साधना ताम्हाणे, पुष्पेद्र चव्हाण, विजय पवार, प्रमोद कोकणे, निखिल जाधव, नागनाथ राख या पथकाने केली आहे.
