मुंबई- विधानसभा निवडणुकीचा निकाल लागून 6 दिवस उलटले तरी अद्याप सरकार स्थापन झाले नाही. महायुतीचा मुख्यमंत्री कोण होणार अशा चर्चा सुरू असून शपथविधी आणि सरकार कधी स्थापन होणार? याकडे सर्वांचे लक्ष लागलेले आहे. अशात शिवसेना नेते दीपक केसरकर यांनी शपथविधी कधी होणार यावर भाष्य केले आहे. सध्या मुहूर्त नसून येत्या 2 तारखेपर्यंत कोणताही चांगला मुहूर्त नाही. 2 तारखेनंतर जेव्हा चांगला मुहूर्त असेल तेव्हा सरकार स्थापन होईल. 2 डिसेंबरनंतर कधीही सरकार स्थापन होऊ शकते, असे दीपक केसरकर म्हणाले. तसेच या शपथविधीसाठी पंतप्रधान नरेंद्र मोदी, केंद्रीय गृहमंत्री अमित शाह आणि सर्व राज्याचे मुख्यमंत्री अशी अनेक लोक उपस्थित राहू शकतात. त्यांच्या सुविधेप्रमाणे सगळे ठरविले जाईल, असेही केसरकर म्हणाले.
सध्या चांगला मुहूर्त नाही, येत्या 2 तारखेनंतर जेव्हा चांगला मुहूर्त असेल तेव्हा सरकार स्थापन होईल, असे दीपक केसरकर यांनी सांगितले. तसेच एकनाथ शिंदे यांचा योग्य तो सन्मान ठेवला जाईल, असे दिल्लीतून सांगण्यात आल्याचेही ते म्हणाले.
दिल्ली काय घडामोडी होत आहेत, याबाबत मला माहिती नाही. दिल्ली एकनाथ शिंदे यांचे पंतप्रधान नरेंद्र मोदी आणि अमित शहा यांच्यासोबत चांगले संबंध आहेत. एकनाथ शिंदे यांचा योग्य तो सन्मान केला जाईल, असे दिल्लीतून सांगण्यात आले आहे. त्यांचा सन्मान म्हणजे आम्हा सगळ्यांचा सन्मान आहे. मी शिंदेंच्या मागे ठामपणे उभे राहणार आहे. अमित शाह सांगतील, त्याप्रमाणे काम करायचे आहे, असे केसरकर म्हणाले.दरम्यान, नव्या सरकारच्या शपथविधी सोहळ्यासाठी प्रशासनाने विविध जागांची चाचपणी सुरू केली आहे. त्यानुसार पहिली पसंती शिवाजी पार्कला असल्याची माहिती आहे. पण याचवेळी रेसकोर्स, ब्रेबॉर्न स्टेडियम, राजभवन या पर्यायांचीही चाचपणी केली जात आहे. राजशिष्टाचार विभागाच्या अतिरिक्त मुख्य सचिव मनिषा म्हैसकर व मुंबई महापालिकेचे आयुक्त भूषण गगराणी यांनी यासंबंधी शिवाजी पार्कची पाहणी केल्याची माहिती आहे. आझाद मैदान, महालक्ष्मी रेसकोर्स व एमएमआरडीए मैदानाचाही प्रशासनाकडून विचार सुरू आहे.
खाली वाचा भाजपच्या संभाव्य मंत्र्यांची यादी
देवेंद्र फडणवीस
गिरीश महाजन
पंकजा मुंडे
राधाकृष्ण विखे पाटील
गणेश नाईक
रविंद्र चव्हाण
मंगलप्रभात लोढा
चंद्रशेखर बावनकुळे
आशिष शेलार
नीतेश राणे
शिवेंद्रसिंहराजे भोसले
राहुल कुल
भिमराव तापकीर
संजय कुटे
गोपीचंद पडळकर
आता पाहा शिवसेनेच्या संभाव्य मंत्र्यांची यादी
उदय सामंत
शंभूराज देसाई
संजय शिरसाट
गुलाबराव पाटील
भरत गोगावले
प्रकाश सुर्वे
प्रताप सरनाईक
तानाजी सावंत
नीलेश राणे
राजेश क्षीरसागर
आशिष जैस्वाल
खाली पाहा एनसीपीचे संभाव्य मंत्री
अजित पवार
छगन भुजबळ
हसन मुश्रीफ
अनिल पाटील
धनंजय मुंडे
आदिती तटकरे
धर्मरावबाबा आत्राम
