“अखंड ध्यानाची ज्योत” या कार्यक्रमाचे आयोजन
पुणे-रौप्य महोत्सवी वर्षाचे औचित्य साधून तेजज्ञान फाउंडेशनच्या वतीने सलग २५ तास अखंड ध्यान साधनेच्या “अखंड ध्यानाची ज्योत” या कार्यक्रमाचे आयोजन येत्या १६ नोव्हेंबर रोजी सकाळी १० वाजून १० मिनिटांनी ते १७ नोव्हेंबर ११ वाजून १२ मिनिटांपर्यंत सिंहगड रोड येथिल, मनन आश्रम या ठिकाणी केले आहे. जीवनात शांतता, आनंदाचा गोडवा, निरोगी आरोग्य, मानसिक संतुलन, तणावमुक्ती, जगात सकारात्मकता आणि जागतिक शांतता यांचा समन्वय प्रस्थापित करायचा असेल, ध्यानाची समज, ध्यानाचा महिमा आणि ध्यानाच्या सोप्या पद्धती माहित असणे गरजेचे आहे.
ध्यानाशी संबंधित या पैलूंवर प्रकाश टाकण्यासाठी, तेजज्ञानच्या वतीने मनन आश्रम येथे गेल्या काही महिन्यांपासून रौप्य महोत्सवी ध्यान महोत्सव साजरा केला जात आहे. सलग २५ तासांची अखंड ध्यान बैठक. अखंड ध्यानाची ज्योत कशी लावायची यावर थोर अध्यात्मक गुरू व प्रसिद्ध वक्ते सरश्री हे मार्गदर्शन करणार आहे. सदरील कार्यक्रम सर्वांसाठी खुला आहे. तरी जास्तीत जास्त पुणेकरांनी यात सहभागी व्हावे असे आवाहन तेजज्ञान फाउंडेशनच्या वतीने करण्यात आले आहे.
