विधानसभा निवडणूक कालावधीत निरीक्षक, राज्य उत्पादन शुल्क, डी विभागाच्या
कारवाईत परराज्यातील दारू, ०४ वाहनासह ४० लाख ६४ हजार ३६० रुपयांचा
मुद्देमाल जप्त
पुणे-
आदर्श निवडणूक आचारसहिंता महाराष्ट्र विधानसभा निवडणूक २०२४ च्या कालावधीत राज्य उत्पादन शुल्क विभागाचे राज्य आय्कुत डॉ. विजय सूर्यवंशी, संचालक राज्य उत्पादन शुल्कप्रसाद सुर्वे, विभागीय उपआयुक्त, राज्य उत्पादन शुल्क, पुणे विभाग सागर धोमकर, पुणे अधीक्षक, राज्य उत्पादन शुल्क, चरणसिंग राजपूत, पुणेउप-अधीक्षक, राज्य उत्पादन शुल्कसंतोष जगदाळे यांच्या मार्गदर्शनाखाली निरीक्षक राज्य उत्पादन शुल्क डी विभागाकडून दिनांक २७/१०/२०२४ रोजी घोटावडे गावच्या हद्दीत, आंबटवेट रोडवर दारूबंदी गुन्ह्याकामी सापळा लावला असता, टाटा कंपनीचे एस गोल्ड या प्रकाराचे चारचाकी वाहन क्र. MH १२ TV५१२२ या वाहनामधून गोवा राज्य निर्मित व महाराष्ट्र राज्यात विक्रीस प्रतीबंधित असलेली विदेशी दारूचे एकूण १८ बॉक्स (८६६ सिलबंद बाटल्या) तसेच महाराष्ट्र राज्याचे बनावट लेबल असा एकूण ३,५५,१४०/- रुपयांचा मुद्देमाल जप्त करून आरोपी किरण ज्ञानोबा साळुंके वय ४६ वर्षे, रा. फ्लॅट नं. ३०१, अंजली हाईट्स, भूमकर चौक, भगवान नगर, वाकड, पुणे यास अटक करण्यात आली. न्यायालयाने त्याची ३ दिवस एक्साईज कोठडी मंजूर केली पुढील तपासात दिनांक ०४/११/२०२४ रोजी कोथरूड, कर्वे पुतळ्याजवळ तपासाकामी छापा टाकला असता सदर गुन्ह्यासाठी वापरण्यात येणारे विविध बॅन्डचे विदेशी मद्याचे एकूण १०,००० नग बनावट लेबलसह एकूण ८८,१६०/- रुपयांचा मुद्देमाल हस्तगत करण्यात आला. सदर गुन्ह्यातील पुढील तपासात दिनांक ०६/११/२०२४ रोजी शनिवार पेठ, येथून सदरचे बनावट लेबल छपाई करण्यासाठी वापरण्यात आलेल्या मशीनसह एकूण ३०,०२,२५०/- रुपयांचा मुद्देमाल जप्त करण्यात आला. असा सदर गुन्ह्यात एकूण ३४,४५,५५०/- रुपयांच्या मुद्देमालासह एकूण ३ आरोपींना अटक करण्यात आली आहे.
सदरची कारवाई निरीक्षक, राज्य उत्पादन शुल्क, डी विभाग सचिन श्रीवास्तव, ई विभागाचे निरीक्षक, शैलेश शिंदे, स.दु.नि. स्वप्नील दरेकर, स.दु.नि. सागर धुर्वे, जवान गजानन सोळंके, जवान संजय गोरे, यांनी सदर कारवाई मध्ये सहभाग घेतला असून पुढील तपास निरीक्षक,सचिन श्रीवास्तव करीत आहेत.
तसेच सदर विभागाने ०१ ऑक्टोबर २०२४ पासून आजपर्यंत एकूण ३१ गुन्हे नोंद करून ३१ आरोपींना अटक करून ४ वाहनांसह एकूण ४०,६४,३६०/- रुपयांचा मुद्देमाल जप्त केला आहे. त्यामध्ये गावठी दारू ९९१ लिटर, कच्चे रसायन १६०० लिटर, ताडी २२७ लिटर, देशी दारू ३३.०० ब. लि., बिअर २५५ ब. लि. व परराज्यातील गोवा निर्मित मद्य एकूण १५५.८८ ब. लि. यांचा समावेश आहे. सदर कारवाई विभागाचे दुय्यम निरीक्षक, विजय सूर्यवंशी, गणपती थोरात, श्रीमती शीतल देशमुख जवान श्रीमती वृषाली भिटे, श्री. वामन माळी, जवान नि वाहनचालक दत्तात्रय आबनावे यांनी केली केली.
