पुणे-पोलिसात तक्रार दाखल होताच एफ.सी कॉलेजच्या कॅम्पसमधील बॅट-या चोर १२ तासाचे आत जेरबंद करण्यात डेक्कन पोलिसांना यश आले आहे.
या संदर्भात पोलिसांनी सांगितले कि,’दि.२६/१०/२०२४ रोजी ते दि.०४/११/२०२४ रोजी दरम्यान डेक्कन एज्युकेशन सोसा. आयएमडीआर कॉलेज, आगरकर रोड, पुणे चे युपीएस रुममधील जिन्याखाली असलेल्या रॅकमधुन ४३ युपीएस बॅट ऱ्य कोणीतरी अज्ञात इसमांनी चोरुन नेले म्हणुन तक्रारदार यांनी दिलेल्या तक्रारीवरुन डेक्कन पोलीस ठाणे येथे गु.र.नं. १८२/२०२४ भा.न्या.सं. कलम ३०३(२) अन्वये दाखल करण्यात आला होता. या तक्रारीवरुन डेक्कन पोलीस ठाण्यातील तपास पथकातील कार्यरत असलेले पोलीस उप निरीक्षक महेश भोसले, अजय भोसले यांनी तपास पथकातील स्टाफच्या मदतीने तांत्रिक पुराव्याच्या माध्यमातुन १२तासाच्या आत दोन आरोपीं सचिन शहाजी डोकडे, वय २१ वर्षे, रा. बजिरंग बली मित्र मंडळ जवळ, आकाश गंगा सोसायटी समोर, वडारवाडी पुणे, राहुल यंकाप्पा पाथरुट, वय २० वर्षे, रा. जयमित्र मंडळ जवळ, जुनी वडारवाडी पुणे यांना ताब्यात घेवुन त्यांच्याकडे केलेल्या तपासात सदरचा गुन्हा त्यांनी केल्याचे निष्पन्न झाल्याने त्यांना अटक करुन गुन्हयाच्या तपासात चोरीस गेलेला मुद्येमाल बॅट-या हा आरोपीकडुन हस्तगत करण्यात आला . पुढील तपास सहा. पोलीस उप निरीक्षक डी.जी. शिंदे करीत आहेत. सदरची कारवाई ही अपर पोलीस आयुक्त पश्चिम प्रादेशिक विभाग प्रविणकुमार पाटील, पोलीस उपायुक्त संदिप सिंह गिल्ल, सहा. पोलीस आयुक्त विश्रामबाग विभाग साईनाथ ठोंबरे, वरिष्ठ पोलीस निरीक्षक, श्रीमती गिरीषा निंबाळकर, पोलीस निरीक्षक (गुन्हे) प्रसाद राऊत यांच्या गार्गदर्शनाखाली पोलीस उप निरीक्षक महेश भोसले, अजय भोसले, दत्ताञय सावंत, सहा. पो. फौजदार शिंदे, राजेंद्र मारणे, पोलीस अंमलदार नरेंद्र पवार, सागर घाडगे, वसिम सिध्दीकी, धनाजी माळी, रोहित पाथरुट यांचे पथकाने केलेली आहे
