मिसाळ पंधरा वर्षे आमदार तरीही एकही ठोस प्रकल्प नाही : अश्विनी कदम यांच्या प्रचाराची रणधुमाळी सुरू

पर्वतीत अश्विनी कदम यांचे काम बोलतंय..

पुणे: महानगरपालिकेच्या माध्यमातून कै. शिवशंकर पोटे दवाखान्याचे नूतनीकरण आणि संयुक्त प्रकल्प डॉ.कदम डायग्नोस्टिक सेंटरची उभारणी अश्विनी नितीन कदम यांनी केली. गोर-गरीब नागरिकांसह पुणेकरां ना अत्यंत महागड्या एमआरआय, सिटीस्कॅन, डिजिटल एक्स-रे, सोनोग्राफी, कलर डॉफलर, टू डिको, डायगोनॉटिक सुविधा मापक व अल्प दरात मिळत असल्याने अश्विनी नितीन कदम आरोग्यदूत आहेत. पर्वती मध्ये अश्विनी कदम यांचं काम बोलतय. विद्यमान आमदारांना पंधरा वर्षे संधी देऊनही त्यांच्या निष्क्रियतेमुळे एकही ठोस प्रकल्प दहा वर्षे केंद्रात आणि राज्यात सत्ता असतानाही पर्वतीत उभा राहिला नाही.असा सूर आज अश्विनी कदम यांच्या प्रचार फेरीतून मांडला गेला . पर्वती विधानसभा मतदारसंघ महाविकास आघाडी व इंडिया फ्रंट अधिकृत उमेदवार अश्विनी नितीन कदम यांनी प्रचाराला जोरदार सुरुवात केली आहे. मतदारसंघातील नागरिकांशी पहाटेचा थेट संवाद साधत दिवसभर पदयात्रेच्या माध्यमातून त्यांचा प्रचार दौरा झाला. यावेळी नागरिकांनी त्यांना चांगला प्रतिसाद दिला. परिसरातील महिला, युवती, तरुण, ज्येष्ठ सर्वानी त्यांची भेट घेत औक्षण करून, त्यांना शुभेच्छा दिल्या.

” नागरिकांची लोकप्रतिनिधी म्हणून माझा प्रभाग पुण्यात आदर्श होईल असा घडविण्याचा प्रमाणिक प्रयत्न केला. पर्वती मतदारसंघातील जनतेसाठी मी कायमस्वरूपी उपलब्ध आहे. निवडणुकीच्या काळातच पर्वतीतील लोकांच्या दारात जाणारी आणि पुन्हा पाच वर्षांनीच येणारी नसून जन्माने आणि कर्माने पर्वतीची कन्या आहे. माझ्या पर्वती मतदारसंघाचा नियोजनबद्ध आणि सर्वांगीण विकास व्हावा या उद्देशाने निवडणुकीला सामोरे जात आहे. पर्वती मतदारसंघाला गतिमान विकासाच्या वाटेवर नेण्यासाठी, त्यांचे प्रश्न सोडविण्यासाठी मी कटिबद्ध आहे. ही माझी माणसं त्यांच्या कन्येच्या पाठीशी खंबीरपणे उभी राहतील यात शंका नाही अशी भावना अश्विनी नितीन कदम यांनी व्यक्त केली.”

यावेळी 132 गदादे पाटील यांचे पुलाखालचे ऑफिस येथून – दांडेकर पूल – पानमळा वसाहत पूर्ण ईशान हॉटेल – सुधीर दळवी गल्ली क्र. 1 ते 4 महिला मिलन पूर्ण – शिवतेज प्रतिष्ठान फाळके गोठा – लायन्स क्लब – सुदर्शन मित्र मंडळ नवजवान मंडळ – स्वामी विवेकानंद साईबाबा मंदिर पोलीस चौकी – म्हसोबा चौक बदाम गल्ली – राणा प्रताप मंडळ – मोरेश्वर रक्षलेखा वडाचा गणपती – गणेश मळा आदी भागातून पदयात्रा संपन्न झाली.

या पदयात्रेला महाविकास आघाडी व मित्र पक्षाचे सर्व पदाधिकारी कार्यकर्ते यांच्यासह पदयात्रा मार्गातील नागरिक, महिला युवक मोठ्या संख्येने सहभागी होता.