पुणे- आज भाजपचे नेते आणि उपमुख्यमंत्री देवेंद्र फडणवीस यांनी आपल्या पुणे दौऱ्यात नाराज आणि बंड करू पाहणाऱ्या स्थानिक कार्यकर्त्यांची स्थानिक नेत्यांची पदाधिकारी यांची भेट घेण्याचा सपाटा सुरु ठेवला आहे . पर्वती मतदार संघातून मी लढणार आणि मी जिंकणार असा नारा देत असंख्य खर्चिक कार्यक्रम राबविलेल्या आणि प्रसिद्धीच्या झोतात आलेल्या माजी सभागृह नेते श्रीनाथ भिमाले यांची समजूत तर केंद्रीय मंत्री मुरलीधर मोहोळ यांनी काढली होतीच त्यानुसार पर्वती मतदार संघातून भिमाले यांनी उमेदवारी अर्ज दाखल केला नव्हता . आज प्रत्यक्ष देवेंद्र फडणवीस भिमाले यांच्या घरी आले . तेव्हा त्यांचे भाऊ , आणि कुटुंबीयांनी फडणवीस यांचे स्वागत केले . पर्वती मतदार संघातून उमेदवारी अर्ज दाखल केला नाही आता पर्वती मधून माधुरी मिसाळ यांचे काम सुरु करा असे फडणवीस यांनी सांगितले आणि महापालिकेत सत्ता आणायची आहे . यावेळी आता अडीच वर्षे महापौर पद तुम्हालाच देऊ असे आश्वासन भिमाले यांना देण्यात आल्याचे काही सूत्रांनी म्हटले आहे तर विधानपरिषदेवर घेण्याचे आश्वासन त्यांना मिळाले असावे असाही दावा काहींनी केला आहे.
