शिवाजी नगर मधील सनी निम्हण यांच्या घरी दिली भेट .. आणि सिद्धार्थ शिरोळे यांच्या पाठीशी उभे राहण्याचे केले आवाहन
पुणे- पुण्यातील भाजपा मधील तसेच महायुतीतील बंडखोरी थंड करण्यासाठी पुण्यात भाजपा नेते उपमुख्यमंत्री देवेंद्र फडणवीस दाखल झाले असून ते पुणे कॅन्टोन्मेंट विधान सभा मतदार संघातील भाजपचे बंडखोर उमेदवार डॉ. भरत वैरागे यांच्या घरी निघाले असल्याचे वृत्त आहे .गेल्या विधानसभेला वैरागे यांना फडणवीस यांनी माघार घ्यायला लावली होती त्यावेळी दिलेले आश्वासन फडणवीस यांनी पाळले नसल्याची टीका वैरागे यांनी केली होती .आम्ही मागासवर्गीय आहोत म्हणून का अन्याय ? असाही सवाल वैरागे यांनी उपस्थित केला होता आणि कितीवेळा त्याच त्याच उमेदवारांना संधी देणार असेही विचारले होते . केंद्रीय मंत्री मुरलीधर मोहोळ यांची शिष्टाई जिथे जिथे कामास आली नाही तिथे तिथे फडणवीस आज जाणार आहेत आणि नाराज लोकांची समजूत काढणार आहेत . वडगाव शेरीतील माजी आमदार मुळीक यांनी तर उमेदवारी मागे घेण्यासाठी फडणवीस यांनी फोनवरून दिलेले विधान परिषदे बाबतचे आश्वासन रेकॉर्ड करून व्हायरल केले आणि नंतर माघार घेतली आहे.
दरम्यान पुण्याचे माजी आमदार स्व. विनायक (आबा) निम्हण यांच्या द्वितीय पुण्यस्मरणदिनी आज पाषाण येथील ‘झुंज’ निवासस्थानी त्यांच्या प्रतिमेस पुष्पांजली अर्पण करून फडणवीस यांनी विनम्र आदरांजली अर्पण केली. यावेळी त्यांच्या कुटुंबियांची भेट घेतली आणि कार्यकर्त्यांशी संवाद साधला.यावेळी शिवाजीनगर मतदार संघाचे आमदार सिद्धार्थ अनिल शिरोळे , केंद्रीय मंत्री मुरलीधर मोहोळ आदी मान्यवर उपस्थित होते. सनी निम्हण यांनी शिवाजीनगर मतदार संघातून कॉंग्रेसच्या वतीने उमेदवारी मिळविण्यासाठी प्रयत्न केले होते मात्र त्यांना उमेदवारीच काय पण कॉंग्रेस माद्फ्ह्ये प्रवेश देखील दिला गेला नव्हता .
आज पुण्यात आल्यावर विमानतळावर फडणवीस यांनी माध्यमांशी संवाद देखील साधला यावेळी ते पहा काय म्हणाले ..
कसब्यात आज फडणविसांनी गाठले धीरज घाटे यांचे घर
दरम्यान फडणवीस यांनी आज शिवाजी नगर नंतर कसब्यात अधिकृत उमेदवाराच्या घरी जाण्यापूर्वी किंवा घरी न जाता अगोदर भाजप शहर अध्यक्ष माजी नगरसेवक आणि कट्टर हिंदुत्ववादी अशी ओळख असलेले धीरज घाटे यांचे घर गाठले . कसब्यात पुन्हा हेमंत रासने या गेल्या निवडणुकीला पराभूत उमेदवारालाच पुन्हा उमेदवारी दिल्याने कसब्यात नाराजी होती आणि खुद्द शहर अध्यक्ष असलेले घाटे यांनी … यांना हिंदुत्ववादी सरकर हवे आहे आणि हिंदुत्व वादासाठी ४०/४० वर्षे घातलेले कार्यकर्ते नको आहेत ‘ अशा स्वरूपाचे जाहीर वक्तव्य सोशल माध्यमातून करत नाराजी व्यक्त केली होती मात्र नंतर ते रासने यांच्या समवेत प्रचाराला दिसत होते तरीही त्यांची भेट घेऊन फडणवीस यांनी त्यांची नाराजी दूर करण्याचा प्रयत्न केला. केंद्रीय मंत्री मोहोळ , खडकवासल्यातून उभे असलेले आमदार भीमराव तापकीर यावेळी त्यांच्या समवेत होते,
कास्ब्याचे उमेदवार हेमंत रासने देखील त्यांच्या समवेत होते.
