या लिंक वर क्लिक करा आणि अंक जरूर वाचा
आम्ही सिद्ध लेखिका या संस्थेच्या पुणे विभागाचा राजसी हा पहिला ई-दिवाळी विशेषांक – २०२४ हा २९ ऑक्टोबर रोजी धनत्रयोदशीच्या मुहुर्तावर ऑनलाईन पद्धतीने प्रकाशित करण्यात आला.
या संस्थेच्या ज्योत्स्नाताई चांदगुडे अध्यक्ष असून मीनाताई शिंदे उपाध्यक्ष आणि वैजयंती आपटे या तंत्रज्ञान समिती प्रमुख आहेत.
राजसी ह्या दिवाळी अंकाच्या संपादकपदाची धुरा ज्योत्स्नाताई चांदगुडे यांनी सांभाळली असून मीनाताई शिंदे या उपसंपादक आहेत आणि वैजयंती आपटे या कार्यकारी संपादक आहेत.
या अंकात संस्था सदस्य मैत्रिणींच्या कथा आणि कविता यांचा समावेश असून मराठी भाषेला अभिजात भाषेचा दर्जा प्राप्त झाल्याबद्दल पुणे विभागाच्या अध्यक्ष ज्योत्स्ना चांदगुडे यांनी लेख लिहिला आहे. त्याचबरोबर त्यांचे संपादकीय देखील आहे.
आम्ही सिद्ध लेखिका संस्थेच्या अध्यक्ष प्रा. पद्माताई हुशिंग यांनी संस्था अहवाल वृत्तांत लेखन या स्वरूपात लिहिला असून अध्यक्षीय शुभेच्छा दिल्या आहेत.
तंत्रज्ञान समिती प्रमुख वैजयंती आपटे यांनी डिजिटल दिवाळी अंकाबाबत त्यांच्या भूमिकेविषयी आणि निर्मिती प्रक्रियेविषयी मनोगत लिहिले आहे. या संपूर्ण ई-दिवाळी अंकाची मुखपृष्ठ मांडणी, अक्षरजुळणी, सजावट आणि फ्लिप बूक आरेखन वैजयंती आपटे यांनी केलेले आहे.
राजसी या दिवाळी अंकाच्या प्रतिक्रिया 9892836604 या क्रमांकावर जरुर नोंदवाव्यात.
