पुणे-भारताच्या माजी पंतप्रधान स्व. इंदिराजी गांधी यांच्या पुण्यतिथी व देशाचे लोहपुरूष सरदार वल्लभभाई पटेल यांच्या जयंती निमित्त माजी आमदार, ज्येष्ठ नेते उल्हास पवार,पुणे शहर जिल्हा काँग्रेस कमिटीच्या वतीने अध्यक्ष अरविंद शिंदे, आमदार रविंद्र धंगेकर व यांच्या हस्ते पुष्पहार अर्पण करून आदरांजली वाहण्यात आली.
यावेळी बोलताना उल्हास पवार म्हणाले की, ‘‘स्व. इंदिराजी गांधी या देशावर निस्सिम प्रेम करणाऱ्या, जाती धर्माच्या पलिकडे विचार करणाऱ्या, देशामध्ये सामाजिक ऐक्य टिकवण्यासाठी प्राणाची आहुती देणाऱ्या आयर्न लेडी होत्या. सरदार वल्लभभाई पटेल हे कणखर, कडक, शिस्तप्रिय व स्पष्ट वक्ता होते. जगभरात त्यांची महती लोहपुरूष म्हणून झाली होती. तसेच ते प्रखर देशभक्त होते. त्यांचा धर्मांध, जातीयवादी शक्तींना प्रखर विरोध होता. या दोन्ही देशभक्त नेत्यांना मी आज भावपूर्ण आदरांजली अर्पण करतो.’’
यावेळी महाराष्ट्र प्रदेश उपाध्यक्ष मोहन जोशी, सरचिटणीस ॲड. अभय छाजेड, रफिक शेख, नरेंद्र व्यवहारे, शिवराज भोकरे, हेमंत राजभोज, अक्षय माने, राज अंबिके, सुमित डांगी, रवि आरडे, उषा राजगुरू, अर्चना शहा, शारदा वीर, सुरेश कांबळे, सचिन भोसले आदी उपस्थित होते.
