पुणे-कसबा विधानसभा मतदारसंघातून महाराष्ट्र नवनिर्माण सेनेचे अधिकृत उमेदवार गणेश भोकरे यांनी भव्य शक्ती प्रदर्शन आपला उमेदवारी अर्ज दाखल केला. मनसेच्या नेत्या शर्मिला ठाकरे यांच्या उपस्थितीत आणि शेकडो कार्यकर्त्यांच्या साथीने भोकरे यांनी आपला उमेदवारी अर्ज दाखल करत कसबा विधानसभा निवडणुकीत विजयी होण्याचा निर्धार केला. यावेळी बोलताना शर्मिला ठाकरे म्हणाल्या, या निवडणुकीमध्ये सर्वसामान्यांच्या प्रश्नांचा विचार करणे गरजेचे असून, राज्यात विविध ठिकाणी मूलभूत सुविधा या योग्य प्रकारे दिल्या जात नाहीत आणि याकरता महाराष्ट्र नवनिर्माण सेनेने युवा नेतृत्वाला संधी दिलेली आहे. गणेश भोकरे हे तरुण आणि विकासाचा चेहरा असलेले उमेदवार आहेत. कसबा मतदारसंघांमध्ये जनता त्याच त्याच लोकांना कंटाळली असून नवीन आणि तरुण उमेदवार गणेश भोकरे यांना विजयी करेल असा विश्वास आहे त्याचबरोबर राज्यभरात मनसेचे अनेक उमेदवार विजयी होतील असा आम्हाला विश्वास आहे. माहीममध्ये अमित ठाकरे यांचा विजय निश्चित असून, लढून जिंकण्यात जास्त मजा आहे, या विचाराने आम्ही निवडणुकीत उतरलेलो आहोत.
शर्मिला ठाकरे यांच्या उपस्थितीत गणेश भोकरे यांचा उमेदवारी अर्ज दाखल
Date:

