पुणे- पर्वती विधानसभा मतदार संघातून कॉंग्रेस राष्ट्रवादी शिवसेनेचे असंख्य पदाधिकारी,आणि महिलांच्या तोबा गर्दीच्या मिरवणुकीने जाऊन महाविकास आघाडीच्या शरद पवारांच्या उमेदवार अश्विनी नितीन कदम यांनी आज आपला उमेदवारी अर्ज दाखल केला .
माजी खासदार वंदना चव्हाण काँग्रेस पक्षाचे शहराध्यक्ष अरविंद शिंदे,काँग्रेसचे माजी शहर अध्यक्ष अभय छाजेड , राष्ट्रवादी काँग्रेसचे शहर अध्यक्ष अंकुश काकडे ,माजी उपमहापौर निलेश निकम शिवसेनेचे शहरप्रमुख संजय मोरे ,बंडू नलावडे , शिवसेनेचे माजी गटनेते अशोक हरनावळ, शिवसेना शहर प्रमुख गजानन थरकुडे संजय मोरे माजी आमदार जयदेव गायकवाड रवींद्र माळवदकरपर्वती अध्यक्ष शशिकांत तापकीर सौ. मृणालिनी वाणी, बाळासाहेब अटल, सचिन पासलकर, राहुल तुपेरे,अभिजीत बारवकर, तुषार नांदे, निलेश पवार, अमोल ननावरे, अभिजीत उंदरे, लखन वाघमारे, सुमित पवार, मंगेश जाधव, श्रीकांत मेमाणे, प्राजक्ता जाधव अमोल रासकर निलेश खंडाळे अमोल परदेशी संतोष पाटोळे रमेश सोनकांबळे इत्यादी मोठ्या संख्येने सर्व कार्यकर्ते पदाधिकारी उपस्थित होते.
सुरुवातीला छत्रपती शिवाजी महाराज यांच्या मार्केट यार्ड या ठिकाणच्या पुतळ्यास पुष्पहार अर्पण करण्यात आला. क्रांतीज्योती सावित्रीबाई फुले, घटनेचे शिल्पकार डॉ. बाबासाहेब आंबेडकर, साहित्यरत्न अण्णाभाऊ साठे आदी महामानवांच्या पुतळ्यास पुष्पहर अर्पण करून अभिवादन करण्यात आले.
यावेळी बोलताना अश्विनी नितीन कदम म्हणाल्या की, ” मागील पंधरा वर्षे आपली पर्वती सर्वांगीण विकासापासून वंचित आहे. नागरिकांना स्मरणात राहण्यासारखे एकही काम मागील पंधरा वर्षात निष्क्रिय आमदारांना उभा करता आले नाही. पंधरा वर्षातील निष्क्रियता संपवण्याची संधी यावेळी पर्वतीकर नागरिक सोडणार नाहीत. नगरसेवक या नात्याने माझ्या परिसरात नागरीकाना सुख – सुविधा आरोग्यसेवा, विविध योजना, घरोघरी देण्याचा प्रमाणिक प्रयत्न केला. मला पर्वतीकरांनी आमदार म्हणून सेवा करण्याचे संधी दिल्यास वैद्यकीय, शैक्षणिक, महिला सुरक्षितता, कोयता गॅंग, वाहतूक कोंडी, वाहतूक समस्या आदी प्रमुख विषयावर कायमस्वरूपी उपयोजना करून परिसराचा कायापालट करणार. संपूर्ण पुणे शहराला हेवा वाटेल असा पर्वती मतदारसंघ निर्माण करणार.
