पुणे : महायुतीचे छत्रपती शिवाजीनगर विधानसभा मतदारसंघाचे उमेदवार आमदार सिद्धार्थ शिरोळे आपल्या शेकडो समर्थकांसह उमेदवारी अर्ज उद्या (सोमवारी ) दाखल करणार आहेत.
या प्रसंगी महायुतीतील भाजप,शिवसेना,राष्ट्रवादी काँग्रेस,रिपब्लिकन पार्टी ऑफ इंडिया पक्षाचे नेते, कार्यकर्ते उपस्थित राहणार आहेत. शिवाजीनगरचे ग्रामदैवत श्री रोकडोबाचे दर्शन घेऊन सकाळी ९ वाजता पदयात्रेला प्रारंभ केला जाईल.आमराले दवाखाना,शिरोळे गल्ली,गणपती चौक,मॉडर्न शाळा,श्री जंगली महाराज मंदिर,बालगंधर्व चौक मार्गाने जवाहरलाल नेहरु सांस्कृतिक भवन असा पदयात्रेचा मार्ग आहे.
आमदार शिरोळे यांना सदिच्छा देण्यासाठी मोठ्या संख्येने पदयात्रेत सहभागी व्हावे,असे आवाहन शिवाजीनगर भाजपचे निवडणूक प्रमुख दत्ता खाडे यांनी केले आहे.