पुणे-पर्वती विधानसभा मतदारसंघात कॉंग्रेसचे ज्येष्ठ नेते आबा बागुल हे इच्छुक उमेदवार असून त्यांच्या समर्थनार्थ आज वाळवेकर लॉन्स पुणे सातारा रोड येथे काँग्रेस पक्षाचे पदाधिकारी, कार्यकर्ते, आबा बागुल मित्र परिवार व हितचिंतक यांची बैठक पार पडली यावेळी पक्षाकडून उमेदवारी न मिळाल्यास अपक्ष निवडणूक लढवण्याचा संकल्प कार्यकर्त्यांनी केला असून यंदा पर्वतीमध्ये पर्वती पॅटर्न चालवायचा असून या अनुषंगाने तयारी सुरू ठेवून वेळ प्रसंगी पक्षाचे राजीनामे देण्याची तयारी पदाधिकाऱ्यांनी ठेवली आहे. ही वेळ पर्वतीमध्ये काँग्रेस जिवंत ठेवण्याची आहे. त्यासाठी कार्यकर्त्यांनी यंदा लढण्याचा निर्धार पक्का केला असून आता कोणत्याही प्रकारे माघार घ्यायची नाही असा विश्वास व्यक्त केला. या प्रसंगी आबा बागुलांच्या समर्थनार्थ पर्वती मतदारसंघातील नागरिक व कार्यकर्ते मोठ्या संख्येने उपस्थित होते.
तर राष्ट्रवादी काँग्रेस शरद पवार पक्षाचे इच्छुक उमेदवार सचिन तावरे यांनीही अश्विनी कदम यांची उमेदवारी जाहीर झाल्यावर नाराज होऊन आज संध्याकाळी बैठक बोलाविली आहे पर्वती मतदार संघातील दोनशे ते अडीशे पदाधिकारी आणि कार्यकर्ते यांनी योग्य उमेदवार न दिल्याने नाराज होऊन राष्ट्रवादी काँग्रेस शरद पवार पक्षाचा राजीनामा देणार व सचिन तावरे आपली पुढील भूमिका स्पष्ट करणार आहेत असे तावरे समर्थकांनी कळविले आहे.