पुणे-जयश्री थोरात यांच्यावर आक्षेपार्ह भाषेत टीका करणाऱ्या सुजय विखे समर्थक वसंत देशमुख यांना पोलिसांनी ताब्यात घेतले. गुन्हे शाखेने ही कारवाई केली असून त्यांना पुण्यातून ताब्यात घेतले आहे.
बाळासाहेब थोरात यांच्या कन्या जयश्री थोरात यांच्यावर आक्षेपार्ह वक्तव्य केल्याप्रकरणी वसंत देशमुख यांच्यावर गुन्हा दाखल झाला होता. तेव्हापासून ते गायब झाले होते. स्थानिक गुन्हे शाखेने आज त्यांना नगर जिल्ह्याबाहेरुन ताब्यात घेतले आहे. त्यांना लवकरच जिल्ह्यात आणले जाणार आहे. त्यानंतर त्यांना कोर्टात हजर करण्यात येईल.
शुक्रवारी रात्री धांदरफळ येथे सुजच विखे यांच्या वतीने आयोजित मेळाव्यात बोलताना वसंत देशमुख यांनी भाषणादरम्यान बाळासाहेब थोरात यांच्या कन्या जयश्री थोरात यांच्या टीका करताना आक्षेपार्ह वक्तव्य केले होते. यानंतर आक्रमक झालेल्या काँग्रेस कार्यकर्त्यांनी सभास्थळी ठिय्या आंदोलन केले होते. तर काही अज्ञातांनी विखे समर्थकांच्या गाड्या तोडफोड करत पेटवून दिल्या होत्या. यामुळे सभास्थळी मोठा तणाव निर्माण झाला होता.
पोलिस ठाण्याबाहेर 8 तास ठिय्या आंदोलन केले म्हणून जयश्री थोरात यांच्यासह ५० जणांवर गुन्हे दाखल
जयश्री थोरातांबाबत सुजय विखेंच्या सभेत आक्षेपार्ह वक्तव्य केल्यानंतर संगमनेरमध्ये तणावाचे वातावरण निर्माण झाले होते. आक्षेपार्ह वक्तव्याविरोधात जयश्री थोरात, डॉ. सुधीर तांबे, दुर्गा तांबेंसह कार्यकर्त्यांनी रात्री 10 वाजेपासून सकाळी 6 वाजेपर्यंत पोलिस ठाण्याबाहे ठिय्या आंदोलन केले होते. दरम्यान, या प्रकरणात चार गुन्हे दाखल करण्यात आले आहेत. यानंतर ठिय्या आंदोलन मागे घेण्यात आले होते.