पुणे -येरवडा परिसरातील एका खासगी कंपनीतील मॅनेजरने कंपनीत काम करत असताना सदर कंपनीतील २७ वर्षीय तरुणीला अश्लील शब्द वापरुन ती वॉशरुमला जाताना तिचा वारंवार पाठलाग केला. तिला उघड उघड शारिरिक संबंधाची मागणी करत तिच्या मनास लज्जा उत्पन्न करुन, शारीरिक संबंध ठेवण्यास नकार दिल्यास कंपनीतून काढून टाकण्याची धमकी दिल्याचा प्रकार उघडकीस आला आहे. याप्रकरणी पीडित तरुणीने आरोपी विरोधात येरवडा पोलिसांकडे तक्रार दाखल केली आहे.
पोलिसांनी दिलेल्या माहितीनुसार, सदर तरुणी काम करत असलेल्या कंपनीतील मॅनेजरने तिचा वारंवार वॉशरुमला जाताना पाठला गेला. तुला वॉशरुमला एवढा वेळ का लागतो, अशी विचारणा त्याने करुन उघड उघड शारीरिक संबंधाची मागणी केली. तरुणीने त्यास नकार दिल्यावर कामाच्या ठिकाणी सतत तिला मानसिक त्रास दिला गेला. त्यानंतर तरुणीने याबाबत पोश कमिटीकडे तक्रार केली असता, कमिटीने सदरचे प्रकरण दडपून टाकण्याचा प्रकार घडला. आरोपीने त्यानंतर पुन्हा उघड उघड शारीरिक संबंधाची मागणी केल्याने तरुणीच्या मनात लज्जा उत्पन्न झाली. तिला शारीरिक संबंध ठेवण्यास नकार दिल्यास कंपनीतून काढून टाकण्याची धमकी देखील आरोपीने दिली. याबाबत पुढील तपास सहाय्यक पोलिस निरीक्षक प्रियांका देवकर पाटील करत आहे.
