हडपसर मधून प्रशांत जगताप तर वडगाव शेरीतून बाप्पू पठारेंना शरद पवार गटाची उमेदवारी जाहीर ..

आज ४५ जागा जाहीर – खडकवासला ,पर्वती उद्या जाहीर करणार

पुणे-महाविकास आघाडीतील प्रमुख घटकपक्ष असणाऱ्या राष्ट्रवादी काँग्रेस शरदचंद्र पवार पक्षाने गुरुवारी सायंकाळी आपल्या 45 उमेदवारांची पहिली यादी जाहीर केली. त्यात इस्लामपूर येथून पक्षाचे प्रदेशाध्यक्ष जयंत पाटील, काटोल येथून राज्याचे माजी गृहमंत्री अनिल देशमुख, घनसांगवी येथून माजी आरोग्यमंत्री राजेश टोपे, मुंब्रा- कळवा येथून पक्षाचे ज्येष्ठ नेते जितेंद्र आव्हाड व इंदापूर येथून हर्षवर्धन पाटील,हडपसर मधून प्रशांत जगताप तर वडगाव शेरीतून बाप्पू पठारेंना, बारामतीतून युगेन्द्र पवारांना उमेदवारी देण्यात आली आहे.

शरद पवार गटाचे प्रदेशाध्यक्ष जयंत पाटील यांनी येथे आयोजित पत्रकार परिषदेत आपल्या पक्षाच्या उमेदवारांच्या नावांची घोषणा केली. शरद पवार गटाच्या यादीनुसार स्वतः जयंत पाटील हे इस्लामपूर विधानसभा मतदारसंघातून निवडणूक लढवणार आहेत. पक्षाने बारामती विधानसभा मतदारसंघातून युगेंद्र पवार यांना उमेदवारी दिली आहे. या मतदारसंघात युगेंद्र पवार यांचा सामना त्यांचे चुलते तथा राज्याचे उपमुख्यमंत्री अजित पवार यांच्याशी होईल. त्यामुळे बारामतीत लोकसभा निवडणुकीसारखीच हायव्होल्टेज लढत होणार हे स्पष्ट झाले आहे. लोकसभा निवडणुकीत या ठिकाणी शरद पवारांच्या कन्या सुप्रिया सुळे यांचा सामना अजित पवारांच्या पत्नी सुनेत्रा पवार यांच्याशी झाला होता. त्यात सुप्रिया सुळे यांचा विजय झाला होता.

राष्ट्रवादी काँग्रेसच्या पहिल्या यादीतील उमेदवार
जयंत पाटील – इस्लामपूर
अनिल देशमुख- काटोल
राजेश टोपे- घनसावंगी
बाळासाहेब पाटील- कराड उत्तर
जितेंद्र आव्हाड- कळबा मुंब्रा
शशिकांत शिंदे – कोरेगाव
जयप्रकाश दांडेगावकर- वसमत
गुलाबराव देवकर- जळगाव ग्रामीण
हर्षवर्धन पाटील- इंदापूर
प्राजक्त तनपुरे -राहुरी
अशोकराव पवार- शिरुर
मानसिंगराव नाईक- शिराळा
सुनील भुसारा- विक्रमगड
रोहित पवार- कर्जत जामखेड
विनायकराव पाटील- अहमदपूर
राजेंद्र शिंगणे- सिंदखेडराजा
सुधाकर भालेराव- उदगीर
चंद्रकांत दानवे- भोकरदन
चरण वाघमारे- तुमसर
प्रदीप नाईक- किनवट
विजय भांबळे-जिंतूर
पृथ्वीराज साठे- केज
संदीप नाईक- बेलापूर
बापूसाहेब पठारे- वडगाव शेरी
दिलीप खोडपे- जामनेर
रोहिणी खडसे- मुक्ताईनगर
सम्राट डोंगरदिवे-मुर्तिजापूर
रविकांत बोपछे- तिरोडा
भाग्यश्री अत्राम- अहेरी
बबलू चौधरी- बदनापूर
सुभाष पवार- मुरबाड
राखी जाधव- घाटकोपर पूर्व
देवदत्त निकम- आंबेगाव
युगेंद्र पवार – बारामती
संदीप वर्पे- कोपरगाव
प्रताप ढाकणे- शेवगाव
राणी लंके- पारनेर
मेहबूब शेख- आष्टी
करमाळा-नारायण पाटील
महेश कोठे-सोलापूर शहर उत्तर
प्रशांत यादव- चिपळूण
समरजीत घाटगे – कागल
रोहित आर आर पाटील- तासगाव कवठेमहाकाळ
प्रशांत जगताप -हडपसर

नाव – प्रशांत सुदामराव जगताप
वय – ४६ महाविद्यालयीन शिक्षण नौरोसजी वाडिया महाविद्यालय, पुणे.

राष्ट्रवादी काँग्रेस पक्षात फूट पडल्यानंतर ठाम व आक्रमक भूमिका घेऊन आदरणीय शरदचंद्रजी पवारसाहेबांसोबत राहण्याचा निर्णय
पंतप्रधान नरेंद्र मोदी यांच्या हस्ते होणाऱ्या पुणे मेट्रोच्या भूमिपूजन कार्यक्रमादरम्यान शहराचा प्रथम नागरिक म्हणून महापौराचे नाव वगळणे हा पुणे शहराचा अपमान होता. महापौरपदाचा सन्मान राखण्यासाठी थेट संघर्ष
पुण्याच्या पाणीप्रश्नावरून तत्कालीन पालकमंत्री, ज्येष्ठ नेते स्व. गिरीषभाऊ बापट यांच्याशी संघर्ष
महापौरपदाच्या कार्यकाळात ‘पीएमपीएमएल’चे सक्षमीकरण
पुण्यात २४ x ७ पाणीपुरवठा योजनेची सुरुवात
डिसेंबर २०१६ मध्ये महापौरपदाच्या कार्यकाळात पुणे मेट्रोचा पंतप्रधान मा. नरेंद्र मोदी यांच्या हस्ते शुभारंभ
राष्ट्रवादी काँग्रेस शरदचंद्र पवार पक्षाच्या वतीने राज्य व केंद्र सरकारविरोधात आक्रमक भूमिका. गेल्या चार वर्षांत सर्वाधिक आंदोलने

१९९७ – सामाजिक कार्यास सुरुवात
१९९९ – राष्ट्रवादी काँग्रेस पक्षाच्या स्थापनेपासून सदस्य. पक्षात आतापर्यंत सरचिटणीस ते शहराध्यक्ष अशी २५ वर्षांची संघटनात्मक कारकीर्द
२००० – चिटणीस, पुणे शहर राष्ट्रवादी काँग्रेस पक्ष
२००२ – सरचिटणीस, पुणे शहर राष्ट्रवादी काँग्रेस पक्ष
२००३ – सदस्य, पुणे महानगरपालिका परिवहन समिती (पीएमटी)
२००६ – पुनश्च सरचिटणीस, पुणे शहर राष्ट्रवादी काँग्रेस पक्ष
२००७ – आई रत्नप्रभाताई सुदाम जगताप नगरसेविका म्हणून विजयी
२०१२ – वानवडी – कोंढवा प्रभागातून पहिल्यांदा नगरसेवक म्हणून विजयी
२०१२ – पीएमपीएमएल संचालकपदी निवड
२०१६ – २०१७ – पुण्यनगरीच्या महापौरपदी निवड
२०१७ – नगरसेवक म्हणून विजयी
२०१९ – (विधानसभा निवडणूक) प्रभारी अध्यक्ष, पुणे शहर राष्ट्रवादी काँग्रेस पक्ष
७ मे २०२१ पासून – अध्यक्ष, पुणे शहर राष्ट्रवादी काँग्रेस पक्ष
माजी संचालक – एसआरए
माजी संचालक – पीएमआरडीए
माजी संचालक – पुणे स्मार्ट सिटी