चौथ्यांदा चौकार नाही तर षटकार मारणार -बंड तर २४ तासात शमणार
पुणे- तीन वेळा ज्या जनतेने मला निवडून दिले माझ्यावर विश्वास टाकला त्या जनतेच्या शुभेछ्या आणि नेत्यांची मिळत असलेली साथ यामुळे मला भाजपची उमेदवारी पुन्हा म्हणजे चौथ्यांदा मिळाली असून आता मी चौकार नव्हे तर षटकार मारून विजयी होईल अशी हर्षदायी प्रतिक्रिया माधुरी मिसाळ यांनी माय मराठी ला दिली , आता पर्वती मतदार संघाचे मंत्रीपद देखील दूर नसल्याची यावेळी त्यांच्या समर्थकांनी स्पष्ट केले . काल भाजपच्या पहिल्या ९९ उमेदवारांच्या यादीत माधुरी मिसाळ यांची उमेदवारी जाहीर झाली आणि त्यंच्या समर्थक कार्यकर्त्यांनी एकच जल्लोष केला .श्रीनाथ भिमाले यांच्या भूमिकेबाबत विचारता त्यांनी भिमालेंना आपण बरोबर घेऊन काम करत आलो आणि करत राहू असेही सांगितले आज उद्याच त्यांची भेट घेऊन त्यांनाही बहिणीच्या नात्याने समवेत ठेउनच प्रचार आमचा सुरु असेल असे त्या म्हणाल्या .
तीन वेळा पर्वती जिंकलेल्या माधुरी मिसाळ यांच्याबद्दल ….
माधुरी सतीश मिसाळ
भाजप उमेदवार पर्वती मतदारसंघ
शिक्षण बीकॉम
2007 पुणे महापालिकेत नगरसेविका
2009, 2014, 2019 पर्वती मतदारसंघातून सलग तीनदा आमदार
सध्याच्या विधानसभेत प्रतोद अशी जबाबदारी
भाजपा, पुणे शहर माजी अध्यक्ष
लोकलेखा समिती सार्वजनिक उपक्रम समिती या समितीच्या सदस्य
पुणे महापालिकेत भाजपची एक हाती सत्ता येण्यात महत्त्वाचा वाटा
पर्वती विधानसभा मतदारसंघातून 22 नगरसेवक निवडून आणले
विद्या सहकारी बँकेच्या माजी अध्यक्ष
उद्यम सहकारी बँक संचालिका
सतीश धोंडीबा मिसाळ प्रतिष्ठान अध्यक्ष
माजी स्थायी समिती अध्यक्ष सतीश मिसाळ यांच्या पत्नी
स्वातंत्र्यासाठी इंग्रजांविरुद्ध सशस्त्र लढा देणाऱ्या क्रांतिकारक केशवराव देशपांडे यांची नात
महत्त्वाची विकासकामे
मराठी भाषेला अभिजात भाषेचा दर्जा मिळावा यासाठी सुरुवातीपासून सातत्यपूर्ण पाठपुरावा
पुणे मेट्रो, स्वारगेट मल्टी मोडेल हब, सिंहगड रस्ता उड्डाणपूल, पु. ल. देशपांडे उद्यानात कलाग्राम, पर्वती देवस्थान विविध विकासकामे, तळजाई वन आराखडा, बिबवेवाडी येथे ईएसआयसी 500 बेडचे रुग्णालय
मागील तीन वेळा पर्वती मतदारसंघातील मतदारांनी मला प्रचंड बहुमताने विजयी केले. यंदा पक्षाने पुन्हा एकदा माझ्यावर विश्वास दाखवला याबद्दल मी पक्षाची, महायुतीची ऋणी आहे. गेल्या पंधरा वर्षात पर्वती परिसरासाठी मी केलेल्या विकासकामांची साक्षीदार असलेले मतदार मला पुन्हा एकदा विधानसभेत प्रतिनिधित्व करण्याची संधी देतील, याची खात्री आहे.- माधुरी मिसाळ
