वाढदिवस म्हटला कीं गाठीभेटी,भेट वस्तू, मोज मज्जा मस्ती सारं काही घडत असते. कधी नव्हे ते अनेकांचे एका मागोमाग फोन येत असतात. त्याहूनही बरेच जण काही संस्मरणीय घडेल अशी गोष्ट करण्याचा प्रयत्न करत असतात.
तेजस्विनी लोणारी च्या बाबतीत अशी आगळीवेगळी गोष्ट घडली आहे. ती तिच्या कायम मनात राहणारी ठरणार आहे.
प्रेक्षकांना, तिच्या चाहत्यांना सुद्धा तिच्या या अनोख्या गिफ्टचं कौतुक वाटणार आहे.
तेजस्विनी लोणारीच्या वाढदिवशी, तिच्या जोस्त्ना नावाच्या फॅन्सने गॅलक्सीमध्ये एक तारा तिच्या नावाने नामांकित केला आहे.
तेजस्विनी अभिनय क्षेत्रात बरोबर त्यांच्या सामाजिक कामा साठी ही ओळखल्या जातात, नुकतेच त्यांनी पालघर येथील कोचाळे आदिवासी पाड्यावर शाळेत शालेय सामुग्री, आणि वृक्षारोपण व वृक्ष लागवड उपक्रमासाठी गावाला भेट दिली होती.
“हा तारा तिच्या प्रभावाचे प्रतीक आहे, जो नेहमी चमकत राहील,” असे फॅनचे म्हणणे आहे.
तेजस्विनीच्या गॅलक्सीमधील ताऱ्यामुळे तिच्या फॅन्सच्या प्रेमाची एक नवीन पायरी उभारली गेली आहे.
हा तारा अमेरिका स्थित star registered नामक एका नामांकित कंपनी मार्फत योग्य कागद पत्राची पडताळणी करून नोंदणीकृत करण्यात आला. या ताऱ्याला तेजस्विनी लोणारी असे नाव देण्यात आले आणि त्याचे प्रमाणपत्र व नोंदणीपत्र देण्यात आले. हा तारा तिचे फॅन्स आकाशात प्रत्यक्ष टेलिस्कोप व मोबाईल वरील Star finder app मध्ये रजिस्टर नंबर टाकून पाहू शकतात.
तेजस्विनीचा वेगळा असा चाहता वर्ग आहे.. या अनोख्या भेटीने तेजस्विनी भारावून गेली आहे.तेजस्विनीने या गिफ्टवर प्रतिक्रिया व्यक्त करताना म्हटले, “मी आपल्यास सर्वांचा खूप आभारी आहे. ही अनोखी भेट मला नेहमीच प्रेरणा देईल.”
