दोन अटक आरोपींची नावे
1) धर्मराज कश्यप (यूपी) 2) गुरमेल बलजितसिंग (हरियाणा)
फरार शूटरचे नाव
3)शिवकुमार गौतम ऊर्फ शिवा (यूपी) 4) मोहम्मद झीशान अख्तर
पुणे : बाबा सिद्दिकी हत्या प्रकरणी पोलिसांनी पुण्यातून एकाला अटक केली आहे. फेसबुक पोस्ट करून हत्येची जबाबदारी स्वीकारणाऱ्या शुभम लोणकर याचा भाऊ प्रविण लोणकर याला पोलिसांनी पुण्यातून अटक केली आहे.प्रविण हा शुभम लोणकर सह धर्मराज कश्यप आणि शिवकुमार गौतम यांना कटात सामील करून घेणाऱ्यांपैकी एक असल्याचा संशय पोलिसांना आहे.
शुभम लोणकर याने सोशल मीडियावर एक पोस्ट करून बिष्णोई गँगचं नाव घेत बाबा सिद्दिकींवर केलेल्या हल्ल्याची जबाबदारी स्वीकारली होती. सोशल मीडियावर व्हायरल होत असलेल्या पोस्टमध्ये म्हटले की, ” सलमान खान आम्हाला हे युद्ध नको हवे होते. मात्र, तू आमच्या भावाचे नुकसान केले. आज बाबा सिद्दिकीच्या कौतुकाचे गोडवे गात आहेत, हा बाबा सिद्दिकीवर दाऊद सोबत मोक्का कायदा लावण्यात आला होता. अनुज थापन आणि दाऊदला बॉलिवूड, राजकारण, मालमत्ता डीलसोबत जोडणे होते. आमचे कोणाशीही वैर नाही, पण जे सलमान खान आणि दाऊद टोळीला मदत करतात त्यांना आता हिशोब द्यावा लागेल. आमच्या भावांचे कोणी नुकसान केले तर आम्ही त्याची भरपाई केल्याशिवाय राहणार नाही, असा इशाराही व्हायरल होणाऱ्या पोस्टमध्ये देण्यात आला.
बाबा सिद्दिकी यांच्यावर शनिवारी रात्री त्यांचा मुलगा आमदार झिशान सिद्दिकी यांच्या वांद्रे पूर्वमधल्या ऑफिसबाहेर गोळीबार केला गेला. यानंतर लगेचच त्यांना वांद्र्याच्या लिलावती रुग्णालयात नेलं, पण डॉक्टरांनी त्यांना मृत घोषित केलं. बाबा सिद्दिकी यांच्यावर गोळीबार करणाऱ्या दोन आरोपींना पोलिसांनी अटक केली. गुरमेल बलजीत सिंग उर्फ कर्नैल सिंग आणि धर्मराज सिंह उर्फ धर्मराज राजेश कश्यप अशी आरोपींची नावं आहेत. हल्ला करण्याआधी हल्लेखोर 25-30 दिवस आसपासच्या परिसराची रेकी करत होते, असंही तपासात समोर आलं आहे.
शनिवारी दसऱ्यानिमित्त वांद्र पश्चिम इथल्या राम मंदिर परिसरात फटाके फोडले जात होते, त्याचवेळी 9.15 वाजण्याच्या सुमारास निर्मल नगर भागात बाबा सिद्दिकी यांच्यावर गोळ्या झाडण्यात आल्या. बाबा सिद्दिकी यांच्यावर 6 राऊंड फायर केले गेले, यातली एक गोळी बाबा सिद्दिकी यांच्या छातीत घुसली, ज्यामुळे त्यांचा मृत्यू झाला.