पुणे-धनसिंग चौधरी नामक तोतया डॉक्टरला पकडल्यानंतर कोर्टातून त्याची सहीसलामत सुटका व्हावी यासाठी प्रयत्न करणारे अधिकारी असलेल्या महापालिकेतील आरोग्य खात्याला जणू आता जाग येत असावी असे वाटेल अशी घटना घडली आहे.महापालिकेच्या आरोग्य खात्याने बऱ्याच वर्षानंतर चांगली कारवाई केली आहे.आणि एका तोतया डॉक्टरला पकडून पोलिसांच्या हवाली केला आहे. मात्र अजून त्याला पोलिसांनी अटक केलेली नाही.
कोणत्याही प्रकारची वैद्यकीय पदवी जवळ नसताना क्लिनिक उघडून बेकायदा उपचार केंद्र चालविणाऱ्या तोतया डाॅक्टरविरुद्ध वारजे पोलिसांनी गुन्हा दाखल केला आहे.बिभुती विमल बागची (वय ४३, रा. गोकुळनगर, वारजे,पुणे ) असे गुन्हा दाखल करण्यात आलेल्या आरोपीचे नाव आहे. याबाबत महापालिकेतील वैद्यकीय अधिकारी डाॅ. अरुणा तरडे (वय ४५) यांनी वारजे पोलीस ठाण्यात फिर्याद दिली आहे. याप्रकरणी बागचीविरुद्ध महाराष्ट्र वैद्यकीय व्यवसाय अधिनियम, तसेच फसवणूक केल्याप्रकरणी गुन्हा दाखल करण्यात आलेला आहे. बागचीने वारजे भागातील
आनंद हाॅस्पिटल परिसरात बेकायदेशीर मूळव्याध उपचार केंद्र सुरु केले होते. वैद्यकीय पदवी, तसेच व्यवसायास परवानगी नसताना त्याने बेकायदा उपचार केंद्र सुरु केले हाेते. याबाबतची माहिती महापालिकेच्या आरोग्य विभागाला मिळाल्यानंतर त्याच्याविरुद्ध तक्रार देण्यात आली. बागचीविरुद्ध गु्न्हा दाखल करण्यात आला असून, अद्याप त्याला अटक करण्यात आलेली नाही. पोलीस हवालदार एस भिंगारदिवे पुढील तपास करत आहेत.
