पुणे-पुण्यधाम आश्रमाचा वार्षिक कार्यक्रम, विश्व जागृती मिशन ट्रस्ट, पुणे यांचा उदात्त उपक्रम, ‘सामूहिक विवाह’, ९ डिसेंबर २०२३ रोजी संपन्न झाला. यात सहभागी होण्याची संधी मिळालेल्या, महाराष्ट्राच्या विविध भागांतून आलेले, १२ जोडप्यांसाठे हा खरोखरच एक हृदयस्पर्शी अनुभव होता. पुण्यधाम आश्रमाने आपल्या समाजातील अत्यंत गरजू वर्गासाठी आयोजित केलेल्या एका विशेष सामूहिक विवाह सोहळ्यात, कोणताही खर्च किंवा हुंडा न घेता विवाह संपन्न झाले. असा अनोखा सोहळा आयोजित करण्याचे हे ८वे वर्ष असून आजपर्यंत १३२ कुटुंबातील जोडप्यांनी मोठ्या जल्लोषात असे लग्न केले आहे.
कार्यक्रमस्थळी २००० हून अधिक लोकांचा उत्साह, उर्जा आणि अपेक्षा अभूतपूर्व होती, त्यासोबतच पुण्यधाममध्ये सर्वत्र लग्नसंस्थेची धांदल, शहनाईचा नाद, फुलांची सजावट आणि उत्सवाचे वातावरण पहायला मिळाले.
सोनेरी-लाल साड्या, सुंदर दागिने तसेच ‘शेरवानी, फेटे आणि मोजरी’ घातलेल्या नववधू तेजस्वी दिसत होत्या. वराच्या मिरवणुकीत सर्व सहभागी नाचत होते आणि वधूचे कुटुंब वरांच्या आगमनाची आतुरतेने वाट पाहत होते. शेवटी, वरांनी सुंदर सजवलेल्या मंडपात प्रवेश केल्यानंतर, विद्वान पंडितांनी लग्नाच्या विधींना सुरुवात केली. हा विवाह सोहळा पारंपारिक महाराष्ट्रीय पद्धतीने पार पडला, त्यानंतर आदरणीय पाहुण्यांच्या उपस्थितीत सप्तपदी आणि कन्यादान समारंभ पार पडला.
“प्रत्येक वर्षी पुण्यधाम आश्रम अशा मुलींचे सामूहिक विवाह आयोजित करतो ज्यांचे कुटुंब लग्नाचा खर्च उचलू शकत नाही. मुलींना त्यांचे कुटुंब आणि मित्रांसह सुंदर विवाह सोहळा करण्याचे त्यांचे स्वप्न पूर्ण करण्याची संधी दिला जाते. ही अनोखी संस्था हुंडा प्रथेला प्रतिबंध करून लोकांच्या मानसिकतेत बदल घडवून आणण्याचा प्रयत्न करत आहे”, असे संस्थेच्डे अध्यक्ष मा कृष्णा कश्यप, म्हणाले, ज्यांनी ‘मानवतेच्या माध्यमातून देवाची सेवा’ हे आपले जीवन ध्येय बनवले आहे!
पुण्याचे माजी महापौर- प्रशांतदादा जगताप, माजी आमदार महादेव बाबर, कोंढवयाचे पोलीस निरीक्षक, नगरसेविका- नंदाताई लोणकर, नगर सेविका संगिताताई ठोसर, नगरसेवक- गफुर पठाण आणि इतर अनेक मान्यवरांच्या कृपाळू उपस्थितीने हा दिवस आणखीनच खास बनला.
सर्व पारंपारिक विधींनंतर अध्यक्ष मा कृष्णा कश्यप, अध्यक्ष सदानंद शेट्टी, विश्वस्त आणि विशेष पाहुण्यांनी तरुण जोडप्यांना भेटवस्तू देऊन आशीर्वाद दिला. नवविवाहित जोडप्यांना त्यांचे वैवाहिक जीवन सुरू करण्यास मदत करण्यासाठी, घरगुती वस्तू, डिनर सेट, कुकर, ब्लँकेट, साड्या आणि सलवार-कमीज सेट अशा नवीन वस्तू दिल्या गेल्या. “नवविवाहित जोडप्यांना आमच्या शुभेच्छा आहेत आणि आशा आहे की त्यांना जीवनात खरा आनंद आणि एकत्रता मिळेल”,
असे मा कश्यप म्हणाली.
काही वर्षांपूर्वी इथेच लग्न झालेल्या जोडप्यांना हा खास सोहळा साजरा करण्यासाठी एकत्र आलेले पाहणे खूप आनंददायी होते. सर्व पाहुण्यांना एक भव्य महाराष्ट्रीयन जेवण देण्यात आले, ज्याचा सर्वांनी मनसोक्त आस्वाद घेतला.
या अत्यंत उदात्त उपक्रमाचे संपूर्ण श्रेय मा कृष्णा कश्यप यांना जाते, ज्यांनी या भव्य सोहळ्याचे बारकाईने नियोजन केले होते, आणि ते उत्तम प्रकारे पार पडले. त्यांच्या समर्पित पाठिंब्याशिवाय, उपस्थिती आणि प्रेरणेशिवाय पुण्यधाम आश्रमाचा कोणताही उपक्रम शक्य नाही.
