वर्धा – पंतप्रधान नरेंद्र मोदी येथील सभेत काँग्रेसवर जोरदार निशाणा साधला. आजची कॉंग्रेस महात्मा गांधींची नाही,कॉंग्रेस का मतलब झुट,धोकादारी बेईमानी असाच आहे,काँग्रेसमधील देशभक्तीची भावना संपली आहे. परदेशातून बसून ते अजेंडा चालवतात. आता त्यांना गणपती बाप्पाचीही चीड येऊ लागली आहे. मी गणेशपूजन केले तेव्हा काँग्रेस अस्वस्थ झाली होती, असा आरोप त्यांनी केला.महाराष्ट्रातील वर्धा येथील सभेत मोदींनी संबोधित केले. पंतप्रधान विश्वकर्मा योजनेला एक वर्ष पूर्ण झाल्याच्या कार्यक्रमात सहभागी होण्यासाठी ते येथे आले होते. पंतप्रधान म्हणाले की, जुन्या सरकारमध्ये कामगारांच्या कौशल्याचा आदर केला जात नव्हता. काँग्रेस आणि त्यांच्या मित्रांनी एससी/एसटीला दडपून ठेवले. त्यांना पुढे जाऊ दिले नाही.आमच्या सरकारने कौशल्य मंत्रालयाची निर्मिती केली. पंतप्रधान विश्वकर्मा योजना सुरू केली. या योजनेअंतर्गत एका वर्षात 8 लाख लोकांना कौशल्य प्रशिक्षण देण्यात आले आहे.पीएम मोदी म्हणाले की, ज्या पक्षाला आपल्या आस्था आणि संस्कृतीचा किंचितही आदर आहे तो कधीच गणपती पूजेला विरोध करू शकत नाही. पण आजच्या काँग्रेसला गणपती पूजेचा तिटकारा आहे. मी गणेशपूजनाच्या कार्यक्रमाला गेलो तेव्हा काँग्रेसचे तुष्टीकरणाचे भूत उठले. काँग्रेसने गणपती पूजेला विरोध सुरू केला. वास्तविक, पंतप्रधान मोदी सरन्यायाधीश चंद्रचूड यांच्या घरी गणपती पूजनासाठी गेले होते. ज्याला विरोधकांनी विरोध केला होता.
पंतप्रधान म्हणाले – महाराष्ट्रात अनेक दशके काँग्रेस आणि नंतर महाविकास आघाडी सरकारने कापूस हे महाराष्ट्रातील शेतकऱ्यांची ताकद बनवण्याऐवजी त्यांना संकटात ढकलले, शेतकऱ्यांच्या नावावर राजकारण केले आणि भ्रष्टाचार केला. 2014 मध्ये देवेंद्र फडणवीस सरकार आल्यावर अमरावतीमध्ये टेक्सटाईल पार्कचे काम सुरू झाले.काँग्रेस आणि त्यांच्या मित्रांनी जाणूनबुजून एससी, एसटी आणि ओबीसी लोकांना पुढे जाऊ दिले नाही. काँग्रेसची ही दलित आणि मागास विरोधी विचारसरणी आम्ही सरकारी यंत्रणेतून काढून टाकली आहे. गेल्या वर्षभरातील आकडेवारीवरून असे दिसून येते की, एससी, एसटी आणि ओबीसी समाज विश्वकर्मा योजनेचा लाभ घेत आहेत.पंतप्रधान नरेंद्र मोदी म्हणाले, हीच काँग्रेस आहे जी तुकडे तुकडे गँग आणि शहरी नक्षलवादी चालवत आहे. आज देशातील सर्वात अप्रामाणिक आणि भ्रष्ट पक्ष काँग्रेस आहे. देशातील सर्वात भ्रष्ट घराणे म्हणजे काँग्रेसचे राजघराणे आहे. हे लोक परकीय भूमीतून आपला अजेंडा चालवतात. वास्तविक, पंतप्रधान मोदींनी अलीकडेच पाकिस्तानचे संरक्षण मंत्री ख्वाजा आसिफ यांच्या वक्तव्याचा उल्लेख केला. ज्यामध्ये ते म्हणाले होते की कलम 370 बहाल करण्याबाबत पाकिस्तान आणि काँग्रेस-नॅशनल कॉन्फरन्स मत समान आहे.
राहुल गांधीचे नाव न घेता मुख्यमंत्र्यांची टीका
काही लोक विदेशात जाऊन आरक्षण संपवण्याची भाषा करत आहेत. त्यांची ही इच्छा कधीही पूर्ण होणार नाही. जोपर्यंत देशात नरेंद्र मोदी आहेत, तो पर्यंत कोणीही देशातून आरक्षण संपवू शकत नसल्याचा दावा शिंदे यांनी केला आहे. या माध्यमातून त्यांनी नाव न घेता राहुल गांधी यांच्यावर टीका केली आहे.नरेंद्र मोदी बेमिसाल असून ते विकासाची नवी ‘मिसाल’ असल्याचे मुख्यमंत्री एकनाथ शिंदे यांनी म्हटले आहे. आता शंभर दिवस पूर्ण झाले असून अजून खुप मोठा टप्पा आपल्याला गाठायचे असल्याचे शिंदे यांनी म्हटले आहे.
