गुरुवारी संध्याकाळी झाला अपघात
साताऱ्यात एक भीषण अपघात झाल्याची घटना समोर आली आहे. एक स्कॉर्पिओ गाडी 500 फूट दरीत कोसळल्याने हा अपघात झाला आहे. यामध्ये दोन जण जागीच ठार झाले आहेत. तर दोन जण गंभीर जखमी झाले आहेत. यवतेश्वर घाटातील गणेश खिंडीत हा अपघात झाला आहे. या अपघाताचे धक्कादायक व्हिडिओ समोर आले आहेत.मिळालेल्या माहितीनुसार, सातारा शहराच्या पश्चिम भागात असलेल्या कास पठाराकडे जाणाऱ्या रस्त्यावर असलेल्या गणेश खिंडीत हा अपघात झाला. यामध्ये स्कॉर्पिओ गाडी थेट 500 फूट खोल दरीत कोसळली आहे. गुरुवारी सायंकाळी 5 च्या सुमारास ही घटना घडली. या स्कॉर्पिओ गाडीत 7 जणांचा समावेश होता. त्यापैकी 2 जागीच ठार झाले आहेत. तर 2 जण गंभीर जखमी झाले आहेत.
दरम्यान, अपघात झाल्या झाल्या या घाटावर मोठी गर्दी झाली. लोकांनी पोलिसांना याबाबत माहिती दिली. त्यानंतर पोलिसांसह शिवेंद्रराजे ट्रेकर्सचे बचाव पथक घटनास्थळी दाखल झाले. त्यांच्या मदतीने जखमींना बाहेर काढण्यात आले आहे. दरम्यान, चालकाचे कारवरील नियंत्रण सुटल्याने हा अपघात झाल्याची माहिती आहे. तसेच कोरेगाव तालुक्यातील चिमणगावचे ते सर्व रहिवासी होते.
